வெள்ளத்தால் பாதிக்கப்பட்ட  மாநிலங்களில்  துயர்துடைப்புப்  பணிகளுக்காக  ரிம50 மில்லியனை  ஒதுக்கியிருப்பதாக  நிதி  அமைச்சர்  ஹுஸ்னி  ஹனாட்ஸ்லா  அறிவித்துள்ளார்.

பெர்னாமா  செய்தியின்படி, கிளந்தான், திரெங்கானு, பகாங், பேராக், பெர்லிஸ்  ஆகிய  மாநிலங்களில்  90,250 பேர் வெள்ளத்தால்  பாதிக்கப்பட்டிருக்கிறார்கள்.

வெள்ள  உதவி  நிதி  மாநில  மேம்பாட்டு அலுவலகங்களிடம்  கொடுக்கப்படும்  என  அமைச்சர்  கூறியதாக  தேசிய  செய்தி  நிறுவனம்  தெரிவித்தது.

பாதிக்கப்பட்ட  பகுதிகளுக்கு  வெள்ள  உதவிக்கும்  மீட்புப்  பணிகளுக்கும்  தேவையான தளவாடங்கள்  கிடைப்பதற்கும்  அமைச்சு  உதவும்.