நைஜீரியாவில் நூற்றுக்கணக்கான பாகா நகர மக்களை படுகொலை செய்தது தங்களது இயக்கம்தான் என போகோ ஹராம் பயங்கரவாத அமைப்பின் தலைவர் அபு பக்கர் ஷேகா கூறினார்.

இந்த மாதத் தொடக்கத்தில், நைஜீரியாவின் பாகா நகரிலுள்ள ராணுவ தளத்தை போகோ ஹராம் பயங்கரவாதிகள் கைப்பற்றினர்.

அதனைத் தொடர்ந்து அந்த நகரை முற்றிலும் தரை மட்டமாக்கிய பயங்கரவாதிகள், நகரில் வசித்த சுமார் 2,000 பேரை படுகொலை செய்ததாகக் கூறப்படுகிறது.

இந்த நிலையில், இணையதளத்தில் செவ்வாய்க்கிழமை வெளியிடப்பட்ட விடியோ காட்சியில் தோன்றிய போகோ ஹராம் தலைவர் அபு பக்கர் ஷேகா கூறியுள்ளதாவது: பாகா நகர மக்களைக் கொன்றது நாங்கள்தான்.

எங்களது புனித நூலில், எங்கள் கடவுள் இட்ட கட்டளையின் அடிப்படையிலேயே நாங்கள் அவ்வாறு செய்தோம். எங்களை ஒடுக்குவதற்காக நைஜீரியாவைச் சுற்றியுள்ள ஆப்பிரிக்க நாடுகள் பேச்சுவார்த்தை நடத்துகின்றன. இது மிகவும் காலதாமதமான நடவடிக்கையாகும்.

அந்த நாடுகள் மீது இப்போதும் எங்களால் தாக்குதல் நடத்த முடியும். அதற்கு நான் தயார் என்று அபு பக்கர் ஷேகா கூறினார்.

-http://www.dinamani.com