ஐ.எஸ்.ஐ.எஸ் தீவிரவாதிகளை எதிர்கொள்ள குர்திஷ் படைகளிடம் யாஸிதி இன மக்கள் பயிற்சி பெற்று வருகின்றனர்.

ஈராக்கின் சிஞ்சார் (Sinchar)மலைப்பகுதியில் வசிக்கும் சிறுபான்மையினத்தவரான யாஸிதி மக்களில் பல்லாயிரக்கணக்கானோரை கடந்தாண்டு ஐ.எஸ்.ஐ.எஸ் தீவிரவாதிகள் படுகொலை செய்துள்ளனர்.

மேலும் யாஸிதி இன சிறுமிகளும் பெண்களும் ஐ.எஸ். தீவிரவாதிகளால் பாலியல் அடிமைகளாக்கப்படுகிற கொடூரமும் நடந்தேறி வருகிறது.

யாஸிதிகளுக்கு நேர்ந்த கொடுமையைத் தொடர்ந்தே ஐ.எஸ். தீவிரவாதிகளுக்கு எதிராக வான்வழி தாக்குதலை நடத்த அமெரிக்கா முன்வந்தது.

இந்நிலையில் ஐ.எஸ். தீவிரவாதிகளுக்கு எதிரான யுத்தத்தில் அமெரிக்கா ஆதரவுடன் களத்தில் இருக்கும் குர்திஷ் மாகாணத்தின் அரசு படைகளுடன் யாஸிதிகள் கை கோர்த்துள்ளனர்.

தற்போது யாஸிதிகளுக்கு குர்திஷ் படையான பெஷ்மெர்கா (Peshmerga) ராணுவ பயிற்சி அளித்து வருகிறது.

எனவே இனி ஐ.எஸ் அமைப்புக்கு எதிராக யாஸிதி ராணுவமும் களமிறங்க உள்ளதால், ஐ.எஸ்.தீவிரவாதிகளுக்கு கடும் நெருக்கடி உருவாகும் சூழ்நிலை இருப்பதாக கூறப்படுகிறது.

-http://world.lankasri.com