தீவகற்ப  மலேசியாவிலிருந்து  சாபா, சரவாவுக்குள்  நுழைய  தடை  செய்யப்பட்டவர்களின்  பட்டியல்  அதிகாரத்துவ இரகசியச் ச் சட்டத்தின்கீழ்  வருவது  என்பதால்  அதை  வெளியிட  முடியாது   என  உள்துறை  அமைச்சர்  அஹ்மட்  ஜாஹிட்  ஹமிடி  கூறினார்.

அம்மாநிலங்களில் கால்வைக்க  முடியாதவர்களின்  பெயர்களைத்  தெரிவிக்குமாறு  திரேசா  கொக்  கேட்டதற்கு  அமைச்சர்  இவ்வாறு  பதிலளித்தார்.

அமைச்சர்  எழுத்துப்பூர்வமாக  அளித்த  பதிலில்,  அப்பட்டியல்  அதிகாரிகளின்  உத்தரவுக்கேற்ப  அடிக்கடி  மாறும்  என்றும்  குறிப்பிட்டார்.

உள்துறை  அமைச்சுக்கும்  அதற்கும்  தொடர்பில்லை  எனவும்  அவர்  தெரிவித்தார்.

“உள்துறை  அமைச்சு மலேசியர்களை  அல்லது  வெளிநாட்டவர்களைத்  தடை  செய்யுமாறு  சாபா, சரவாக்  குடிநுழைவுத்  துறைகளுக்கு  உத்தரவிடுவதில்லை”, என்பதை  அவர்  வலியுறுத்தினார்.

மாநில  அதிகாரிகளே  அம்முடிவினைச்  செய்கிறார்கள்  என்றாரவர்.