முன்னாள் பிரதமர்  டாக்டர் மகாதிர்  முகம்மட்  பல  விவகாரங்களுக்கு  விடை  தேடுகிறார்  என்கிறார்  அம்னோ  மூத்த  உறுப்பினர்  தெங்கு  ரசாலி  ஹம்சா.

குவா  மூசாங்  நாடாளுமன்ற  உறுப்பினரும்  முன்னாள்  நிதி  அமைச்சருமான  அவரை  இன்று  நாடாளுமன்றத்தில்  சந்தித்தபோது  உண்மை  வெளிவர  வேண்டும்  என்றார்.

“உண்மையான  பதில்களும்  இவ்விவகாரங்களின்  பின்னணியில்  உள்ள  உண்மையும்  வெளிவர  வேண்டிய  நேரம்  வந்து  விட்டது.

“மகாதிர்  அவ்வாறு  பேசுவதற்குக்  காரணம் இருக்க  வேண்டும்”. பிரதமர்  நஜிப்  அப்துல்  ரசாக்கை  முன்னாள்  பிரதமர்  மோசமாக  சாடியுள்ளது  பற்றிக்  கருத்துரைக்குமாறு  கேட்கப்பட்டதற்கு  தெங்கு  ரசாலி  இவ்வாறு  கூறினார்.

அரசியல் களத்தை  நன்கு  அறிந்தவர்  என  மகாதிரை  வருணித்தார்  தெங்கு  ரசாலி.

“அரசியல்  கட்சிகளில் நடப்பதை  அவர்  நன்கு  அறிவார்
எழுப்பப்பட்டிருக்கும்  விவகாரங்களுக்கு  விடை  கிடைக்காவிட்டால்  14வது  பொதுத்  தேர்தலில்  ஆதரவு  கிடைப்பது  சிரமம்தான்”, என்றாரவர்.