அந்த நாட்டின் பதற்றம் நிறைந்த வடக்கு சினாய் பகுதியில், பாதுகாப்புப் படையினரைக் குறி வைத்து இந்தத் தாக்குதல்கள் நிகழ்த்தப்பட்டன.

இஸ்லாமிய தேச (ஐ.எஸ்.) பயங்கரவாதிகளுடன் தொடர்புடைய அன்ஸார் பெய்ட் அல்-மக்திஸ் அமைப்பு இந்தத் தாக்குதல்களை நிகழ்த்தியதாகக் கூறப்படுகிறது.

அந்த அமைப்பின் ஆதிக்கம் நிறைந்த ஷேக் ஜவாயத் பகுதியில் சென்று கொண்டிருந்த ராணுவ கவச வாகனத்தின் மீது சாலையோர வெடிகுண்டுத் தாக்குதல் நிகழ்த்தப்பட்டது.

இதில் ஒரு ராணுவ அதிகாரி உள்பட 6 ராணுவத்தினர் உயிரிழந்தனர். 2 பேர் காயமடைந்தனர்.

அதற்கு சில மணி நேரங்கள் கழித்து, மாகாணத் தலைநகர் அல்-அரிஷ் நகரிலுள்ள காவல் நிலையத்தில் தற்கொலைப் படையைச் சேர்ந்த பயங்கரவாதி ஒருவர் வெடிபொருள் நிரப்பிய காரை மோதி வெடிக்கச் செய்தார்.

இதில் 5 போலீஸார் உள்பட 8 பேர் உயிரிழந்தனர். 45 பேர் காயமடைந்தனர்.

காவல் நிலையத்தின் முன் பகுதி முற்றிலும் சேதமடைந்தது. அருகிலுள்ள கட்டடங்களும் பாதிப்புக்குள்ளாயின.

சினாய் பகுதியைச் சேர்ந்த அன்ஸார் பெய்ட் அல்-மக்திஸ் அமைப்பு, “இஸ்லாமிய தேசம்’ அமைப்புக்கு தனது ஆதரவைத் தெரிவித்ததிலிருந்து தனது பெயரை “சினாய் மாகாணம்’ என மாற்றிக் கொண்டுள்ளது குறிப்பிடத்தக்கது.

-www.dinamani.com