பிரதமர்  நஜிப்  அப்துல்  ரசாக்  சம்பந்தப்பட்ட  இரு  விவகாரங்கள்  மீதான  விசாரணை  அறிக்கைகள்  மேலும் விளக்கம்  கேட்டு  திருப்பி  அனுப்பப்பட்டதாக  சட்டத்துறைத்  தலைவர்  முகம்மட்  அபாண்டி  அலி  இன்று  கூறினார்.

நஜிபின்  வங்கிக்  கணக்கில்  இருந்த  ரிம2.6 பில்லியன்,  1எம்டிபி  துணை  நிறுவனம்  எஸ்ஆர்சி  இண்டர்நேசனல்  மூலமாக  நஜிப்பிடம்  ஒப்படைக்கப்பட்டதாகக்  கூறப்படும்  ரிம42 மில்லியன்  ஆகியவையே  அவ்விரண்டு  விவகாரங்களுமாகும்.

“விசாரணை  அறிக்கைகளில்   உள்ள  சாட்சியங்களை  ஆராய்ந்த  பின்னர்  மேற்கொண்டு  எடுக்க  வேண்டிய  நடவடிக்கைகள்  பற்றிப்  பரிந்துரைகள் கேட்டு  அவற்றை  மலேசிய  ஊழல்தடுப்பு  ஆணையத்துக்கே  திருப்பி  அனுப்பி  வைத்திருக்கிறோம்”, என  அபாண்டி  ஓர்  அறிக்கையில்  கூறினார்.