அமெரிக்காவின்  பெடரல்  புலனாய்வு பிரிவு (எப்பிஐ),  பிரதமர்  நஜிப்  அப்துல்  ரசாக்கின்  மாற்றான்  பிள்ளை  ரிசா  அசிஸ்  இரண்டு  சொகுசு  வீடுகள்  வாங்கியது  குறித்து  விசாரணையைத் தொடங்கியுள்ளது. 1எம்டிபி  விசாரணை  தொடர்பில்  ரிசா  விசாரிக்கப்படுவதாக  த  வால்  ஸ்திரிட்  ஜர்னல்  அறிவித்தது.

நியுயோர்க்கிலும்  லோஸ் எஞ்சலிசிலுமிள்ள அச்சொத்துகளை  வாங்குவதற்கு  குறைந்தது  யுஎஸ்50 மில்லியன்  1எம்டிபி- இலிருந்து  வந்திருக்கலாம்  என  விசாரணையாளர்கள்  நம்புவதாக அந்த  ஏடு  கூறியது.

“சொத்துகள்  வாங்குவதற்குப்  பணம்  வந்த  விதம்  குறித்து எபிஐ  ஆராய்வதாக  தகவலறிந்த  வட்டாரங்கள்  தெரிவித்தன”, என  WSJ கூறிற்று.

ஹாலிவூட்  படத்  தயாரிப்பாளரான  ரிசா 2012-இல் நியுயோர்க்  லாரல்  பார்க்கில் உள்ள  ஆடம்பர  அடுக்ககத்தில்  யுஎஸ்33.5 மில்லியனுக்கு  ஏழு-அறை  கொண்ட  சொகுசு  வீடு  ஒன்றை  வாங்கினார்.

2010-இல்  லோஸ் ஏஞ்செல்ஸ்  பீவர்லி  ஹில்சில்  யுஎஸ்17.5 மில்லியனுக்கு  ஒரு  மாளிகை  வாங்கினார். அதில் தங்க  பிரமிட்  கோபுரத்துடன்   120′ நீள  நீச்சல்  குளம்  ஒன்றும்   இருக்கிறதாம்.