லண்டனிலிருந்து  கோலாலம்பூர் நோக்கி வந்து கொண்டிருந்த மலேசிய  விமான  நிறுவன (எம்ஏபி)த்தின்  எம்எச்01 விமானம், மோசமான வானிலையில்  சிக்கி  அதிர்ச்சியால்  குலுங்கியபோது  இறந்துபோவோம்  என்ற  முடிவுக்கு  வந்து  விட்டார்  மேரி  என்ற  பயணி.

சிங்கப்பூரரான  அந்த  50-வயது  மாது,  ஏர்பஸ்  380 ரக  விமானம்  கீழ்நோக்கிப்  பாய்ந்து  பின்னர்  மேல்நோக்கிச்  செல்லத் தொடங்கியது  என்றும்  அது  பயங்கரமான  அனுபவம்  என்றும்  வருணித்தார்.

“கோலாலும்பூர்  அனைத்துலக  விமான நிலையத்தை (கேஎல்ஐஏ)  அடைய  மூன்று  மணி  நேரம்  இருந்தபோது  விமானம்  ஆட்டம் காணத்  தொடங்கியது.

“விமானம்  குலுங்கத்  தொடங்கியபோதுதான்  விமானப்  பணியாளர்கள்  உணவு  பரிமாறத்  தயாராகிக்  கொண்டிருந்தார்கள். (குலுங்கலில்) உணவுப்  பொட்டலங்கள்  உணவு- வண்டியிலிருந்து  நாலாபுறமும்  பறந்தன”,  என்று  மேரி  கூறினார்.

“அப்போதுதான்  வார்ப்பட்டைகளை  அணிந்துகொள்ளச்  சொல்லும்  விமானியின்   அறிவிப்பு  வந்தது”,  என்றவர்  சொன்னார்.

விமானம்  குறித்த  நேரத்தில்  மாலை 6.00 மணிக்கு கோலாலம்பூர் அனைத்துலக  விமான நிலையத்தில் பத்திரமாகத் தரையிறங்கியது.  காயமடைந்த  ஐவர்  புத்ரா  ஜெயா  மருத்துவமனைக்குக்  கொண்டு  செல்லப்பட்டு  சிகிச்சை  அளிக்கப்பட்டது.

.