எதிரணித் தலைவர் வான் அசிசா வான் இஸ்மாயில் தம் கணவர் அன்வார் இப்ராகிமைத் துணைப் பிரதமர் பதவியிலிருந்து விலக்கிய முன்னாள் பிரதமர் டாக்டர் மகாதிர் முகம்மட்மீது இப்போதெல்லாம் ஆத்திரம் கொள்வதில்லை.
“அப்போது ஆத்திரப்பட்டது உண்மைதான். நானும் மனுசிதானே. ஆனால், ஆத்திரத்தை அப்படியே வைத்துக்கொண்டிருக்க முடியாது”, என்றவர் தெரிவித்ததாக சினார் ஹரியான் கூறியுள்ளது.
மனிதர்கள் தவறு செய்யக்கூடியவர்களே என்பதைத் தாம் உணர்வதாக அவர் குறிப்பிட்டார்.
“யாராவது ஒருவர் உங்களுக்கு எதிராக ஏதாவது செய்து விட்டால் அதை அப்படியே மனதில் வைத்துக் கொண்டிருக்கக் கூடாது. அது, இன்ஷா அல்லா, ஒரு நாள் உங்களுக்குச் சாதகமாக அமையும்”, என்றாரவர்.
