நேற்றைய  அம்னோ   பேரணியில்    பிரதமர்   நஜிப்   அப்துல்  ரசாக்   பொதுத்தேர்தல்   திடீரென்று   நடக்கலாம்   என்று   கோடிகாட்டியதைப்  பிடித்துக்கொண்ட    பத்து  கவான்   அம்னோ   முன்னாள்   துணைத்    தலைவர்   கைருடின்   அபு   ஹசான்   நாடாளுமன்றத்தை  விரைவில்  கலைக்கும்   துணிச்சல்   உண்டா  என்று    நஜிப்புக்குச்   சவால்   விடுத்தார்.

“அதிகம்    பேச   வேண்டாம்    என்று    நஜிப்பிடம்   சொல்லுங்கள்.  அவருக்கு   அவ்வளவு  நம்பிக்கை   இருந்தால்,    அவர்   ஓர்   ஆண்மகனாக    இருந்தால்,  நாடாளுமன்றத்தைக்  கலைத்து   14வது   பொதுத்   தேர்தலை    அறிவிக்கட்டும்”,  என  கைருடின்   ஓர்   அறிக்கையில்    கூறினார்.

நேற்றிரவு   அம்னோவின்   71ஆம்   ஆண்டு  நிறைவுவிழாவில்,   80ஆயிரம்  ஆதரவாளர்களிடையே   உரையாற்றிய    நஜிப்  “நாம்  வலுவாக  இருக்கிறோமா?  தயராக   இருக்கிறோமா?  நாளையே   நாடாளுமன்றத்தைக்  கலைக்கலமா?”,  என்று  வினவ    கூட்டத்தினர்   ஆம்  என்று   முழங்கினர்.