நியூசிலாந்திற்குச் செல்லும் மற்றும் புறப்படும் டஜன் கணக்கான விமானங்கள் ரத்து செய்யப்பட்டுள்ளன, ஏனெனில் நாடு அதன் இரண்டாவது கடுமையான புயலை சில வாரங்களில் எதிர்கொள்கிறது.

கேப்ரியல் சூறாவளி ஏற்கனவே நியூசிலாந்தின் வடக்குப் பகுதியைத் தாக்கியுள்ளது, ஆக்லாந்தில் கடும் மழை எதிர்பார்க்கப்படுகிறது. புயலின் முழு தாக்கம் ஞாயிறு மாலை மற்றும் திங்கட்கிழமைகளில் தாக்கும் என்று எதிர்பார்க்கப்பட்ட நிலையில், நியூசிலாந்து மக்கள் செவ்வாய்க்கிழமை வரை மோசமான சூழ்நிலையை அனுபவிக்கக்கூடும் என்று வானிலை நிபுணர்கள் எச்சரித்துள்ளனர்.

கனமழை, பலத்த காற்று மற்றும் பெரிய அலைகளுடன் பரவலான மற்றும் குறிப்பிடத்தக்க வானிலை நிகழ்வை எதிர்பார்ப்பதாக MetService கூறியுள்ளது.

ஆக்லாந்து அவசரகால நிர்வாகம், சூறாவளியின் வருகைக்கான நேரத்தில் 26 அவசரகால தங்குமிடங்களை நகரத்தில் அமைக்கவும் இயக்கவும் செயல்படுவதாகக் கூறியது. தலைநகர் ஆக்லாந்திற்குச் செல்லும் அனைத்து உள்நாட்டு விமானங்களையும், பல சர்வதேச விமானங்களும் ரத்து செய்யப்பட்டுள்ளது.

ஹாமில்டன், டவுபோ மற்றும் டௌரங்கா நகரங்களுக்குச் செல்லும் உள்நாட்டு விமானங்களும் ரத்து செய்யப்பட்டுள்ளது. தயவுசெய்து இதை தீவிரமாக எடுத்துக் கொள்ளுங்கள், கடுமையான வானிலை வரும் என்று நாங்கள் எதிர்பார்க்கிறோம் என நியூசிலாந்தின் பிரதமர் கிறிஸ் ஹிப்கின்ஸ் கூறினார்.

எனவே தயவு செய்து நீங்கள் தயாராக உள்ளீர்கள் என்பதை உறுதிப்படுத்திக் கொள்ளுங்கள். நீங்கள் ஒரு குறிப்பிட்ட காலம் தங்கியிருக்க வேண்டியிருந்தால் அல்லது நீங்கள் வெளியேற வேண்டியிருந்தால் அதற்கான ஏற்பாடுகள் உங்களிடம் உள்ளன என்பதை உறுதிப்படுத்திக் கொள்ளுங்கள். என்று குறிப்பிட்டுள்ளார்.

கேப்ரியல் புயல் ஆக்லாந்து நகரத்தில் இதுவரை பதிவு செய்யப்படதாக அதிக மழை வீழ்ச்சியை பதிவு செய்த இரண்டு வாரங்களுக்குப் பிறகு வருகிறமை குறிப்பிடத்தக்கது.

-if