பண்டாரயா மற்றும் மஸ்ஜிட் ஜமேக் எல்ஆர்டி(Masjid Jamek LRT) நிலையங்களுக்கு அருகில் உள்ள மேம்பால அமைப்பு மற்றும் தூண்களுக்கு ஏற்பட்ட சேதம் 44 மாடி ஹோட்டலின் கட்டுமானத்தால் ஏற்பட்டதாக நம்பப்படுகிறது என்று போக்குவரத்து அமைச்சர் அந்தோணி லோக் கூறினார்.

கட்டுமான சேதம் ஜனவரி 27 முதல் மஸ்ஜிட் ஜாமேக் மற்றும் பண்டாரயா நிலையங்களுக்கு இடையிலான எல்.ஆர்.டி சேவையைப் பாதித்துள்ளது என்று அவர் கூறினார்.

இந்தத் திட்டம் 44 மாடிகள் கொண்ட ஹோட்டலின் கட்டுமானமாகும். அமைச்சகத்தால் நியமிக்கப்பட்ட ஒரு ஆலோசனை நிறுவனத்தின் விசாரணையின் முடிவு இது.

“இறுதி அறிக்கை பிரசரணாவிடம் (Malaysia Bhd) ஒப்படைக்கப்படும்,” என்று அவர் இன்று நாடாளுமன்ற வளாகத்தில் செய்தியாளர் கூட்டத்தில் கூறினார்.

சேதம்குறித்து விளக்கிய லோக்(Loke) (மேலே) எந்தவொரு எல்ஆர்டி நிலையங்களுக்கு அருகிலும் கட்ட உத்தேசிக்கப்பட்டுள்ள அனைத்து திட்டங்களும் கட்டுமானம் தொடங்குவதற்கு முன்பு நில பொது போக்குவரத்து ஆணையத்தின் (Apad) ஒப்புதலைப் பெற வேண்டும் என்று கூறினார்.

“(திட்டம்) ஒப்புதல் அல்லது அனுமதியின்றி தொடங்கப்பட்டதால் நடந்த சம்பவத்திற்கு நாங்கள் வருந்துகிறோம், இது எங்களையும் பொது போக்குவரத்தைப் பயன்படுத்தும் மக்களையும் பாதித்துள்ளது”.

“எங்கள் அமைப்பில் உள்ள சிக்கல்களால் இந்த இடையூறு ஏற்படவில்லை, ஆனால் இது பண்டாரயா எல்ஆர்டி நிலையத்திற்கு அடுத்துள்ள கட்டுமானத் திட்டத்தால் ஏற்பட்ட கட்டமைப்பு சேதத்தால் ஏற்பட்டது,” என்று அவர் கூறினார்.

தரை இயக்கம்

விசாரணையின் முடிவுகளில், மூன்று மேம்பாலப்பாதை மற்றும் பாலத்தின் தூண் கட்டமைப்புகளுக்குச் சேதம் ஏற்பட்டதற்கு நிலையத்திற்கு அருகிலுள்ள கட்டுமான இடத்திலிருந்து வந்ததாக நம்பப்படும் “தரை இயக்கம்” காரணமாகும் என்று அவர் கூறினார்.

“ஜனவரி 27 அன்று அபாட் கூறியபடி, ரயில்வே பாதுகாப்பு மண்டலம் ஒழுங்குமுறைகள் 1998 இன் கீழ் அபாடுடன் எந்த ஆலோசனையும் இல்லாமல் பணிகள் தொடங்கின,” என்று அவர் கூறினார்.

புனரமைப்பு பணிகளை மேற்கொள்ளப் பிரசாரனா இப்போது ஒரு ஒப்பந்ததாரரை நியமித்து வருவதாகவும், இது மார்ச் மாத தொடக்கத்தில் தொடங்கும் என்றும் ஏழு மாதங்கள்வரை ஆகும் என்று எதிர்பார்க்கப்படுவதாகவும் லோகே கூறினார்.

இந்தக் காலகட்டத்தில் கட்டமைப்பை வலுப்படுத்தத் தற்காலிக வேலைக்கு இரண்டு மாதங்களும், மேலும் விரிவான பழுதுபார்ப்புக்கு ஐந்து மாதங்களும் அடங்கும்.

“பாதிக்கப்பட்ட கட்டமைப்பிற்கு ஏற்பட்ட சேதம் மிகவும் கடுமையான பாதுகாப்பு ஆபத்தை ஏற்படுத்துகிறது என்பதை விசாரணை காட்டியதால் பழுதுபார்க்க நேரம் எடுக்கும்,” என்று அவர் கூறினார்.

கடந்த மாத இறுதியில், தண்டவாளங்களின் வளைந்த சீரமைப்பு காரணமாகப் பண்டாரயா மற்றும் மஸ்ஜித் ஜாமேக் எல்.ஆர்.டி நிலையங்களுக்கு இடையில் சேவை இடையூறுகள் இருப்பதாகப் பிரசாரனா தெரிவித்தது.