உலகின் ஏனைய நாடுகளில் ஒரு லிட்டர் RON95 ரக பெட்ரோல் விலை ரிம10.50 வரை விற்கப்படும் வேளையில், மலேசியாவில் அதன் விலை உலகிலேயே மிகக் குறைவான விலைகளில் ஒன்றாக உள்ளது என்று பிரதமர் கூறுகிறார்.

அண்டை நாடுகளில் எரிபொருள் தட்டுப்பாடு காரணமாக சுமார் 400 எரிபொருள் நிலையங்கள் மூடப்பட்டுள்ளதாக பிரதமர் அன்வார் இப்ராஹிம் தெரிவித்தார்.

உலகளாவிய விநியோக நெருக்கடி இருந்தபோதிலும், எரிபொருள் கட்டுப்பாட்டு முறையை அமல்படுத்தாத தென்கிழக்கு ஆசியாவின் ஒரே நாடு மலேசியா என்று பிரதமர் அன்வார் இப்ராகிம் தெரிவித்தார்.

இப்பகுதியில் உள்ள பல அண்டை நாடுகள் இத்தகைய நடவடிக்கைகளை செயல்படுத்தத் தொடங்கியுள்ளதாகவும், பற்றாக்குறை காரணமாக சில நாடுகள் 400 பெட்ரோல் நிலையங்களை மூடியுள்ளதாகவும் அவர் கூறினார்.

ஒரு லிட்டர் ரிம 1.99 விலையில் விற்கப்படும் RON95 பெட்ரோல் விலை உலகில் மிகக் குறைந்த விலைகளில் ஒன்றாகும் என்றும், அதே சமயம் சில அண்டை நாடுகளில் இதன் விலை ரிம 10.50 வரையிலும், மற்ற நாடுகளில் ரிம 4 மற்றும் ரிம 6 வரையிலும் உயர்ந்துள்ளதாக அன்வார் தெரிவித்தார்.

ஆசிரியர் கல்விக்கழக ஊழியர்கள் மற்றும் ஆறாம் படிவ மைய மாணவர்களிடையே உரையாற்றிய அன்வார், அரசாங்கம் எடுத்த ஆரம்பக்கட்ட நடவடிக்கைகளால் எரிபொருள் கட்டுப்பாட்டு முறை தேவைப்படவில்லை என்று கூறினார்.

இலக்கு வைக்கப்பட்ட மானியங்களை அமல்படுத்துதல் மற்றும் ஈரானுடன் கொண்டுள்ள சுமுகமான உறவு போன்ற நடவடிக்கைகள் இதில் அடங்கும், இது மலேசிய எரிபொருள் கப்பல்கள் ஹார்முஸ் ஜலசந்தி வழியாக செல்ல அனுமதித்துள்ளது.

மலேசியக் கப்பல்கள் அந்த ஜலசந்தி வழியாகச் செல்லவில்லை என்று கூறிய எதிர்க்கட்சி உறுப்பினர்களை அன்வார் விமர்சித்தார். “உண்மைகளைத் தேடுவதில் பணிவு இல்லாததையே இது காட்டுகிறது” என்றார்.

சமூக வலைதளங்களில் பரவும் துல்லியமற்ற தகவல்களால் பாதிக்கப்படுவதைத் தவிர்க்க, தற்போதைய பொருளாதார மற்றும் புவிசார் அரசியல் சிக்கல்களைப் பொதுமக்கள் புரிந்துகொள்ள வேண்டும் என்றும் அவர் அறிவுறுத்தினார்.