தப்பி ஓடிய அந்த மூன்று ஆண்களும் வாகனத் திருட்டு வழக்குடன் தொடர்புடையவர்கள் என்று நம்பப்படுகிறது.
மூன்று சந்தேக நபர்களுக்கு வாகனத்தை வாடகைக்கு விட்ட நபர் கைது செய்யப்பட்டுள்ளதாக பகாங் மாநிலப் பொறுப்பு காவல் தலைமை அதிகாரி அஸ்ரி அக்மர் அயோப் தெரிவித்தார்.
பான்டாங் (Bentong), பகாங், ஜாலான் மெம்பாகா-செர்டிக் (Jalan Mempaga-Sertik) பகுதியில் திங்கட்கிழமை நடைபெற்ற, ஒருவர் உயிரிழந்த மூன்று வாகன விபத்துக்குப் பிறகு தப்பி ஓடிய மூன்று நபர்களைக் காவல்துறையினர் தீவிரமாகத் தேடி வருகின்றனர்.
சந்தேகநபர்களான 20 மற்றும் 30 வயதுக்குட்பட்ட அந்த நபர்கள் அடையாளம் காணப்பட்டுள்ளதாகவும், அவர்கள் வாகனத் திருட்டு வழக்குடன் தொடர்புடையவர்கள் எனச் சந்தேகிக்கப்படுவதாகவும் பகாங் இடைக்காலக் காவல் துறைத் தலைவர் அஸ்ரி அக்பர் அயோப் (Azry Akmar Ayob) தெரிவித்தார்.
அவர்களுக்கு அந்த வாகனத்தை வாடகைக்கு விட்ட நபர் கைது செய்யப்பட்டுள்ளதாக அவர் கூறினார்.
“கைது செய்யப்பட்ட 30 வயதுடைய அந்த நபருக்கு போதைப்பொருள் பரிசோதனையில் நேர்மறை முடிவு (positive) வந்துள்ளது. நீதிமன்றத்தில் குற்றச்சாட்டுகள் நிலுவையில் உள்ள நிலையில் அவர் தடுப்புக் காவலில் வைக்கப்பட்டுள்ளார்,” என்று பெர்னாமா செய்தி நிறுவனத்திடம் அவர் கூறியதாகத் தெரிவிக்கப்பட்டுள்ளது.
இந்த விபத்தில், பெருடுவா மைவி (Perodua Myvi) காரும் ஹோண்டா எச்ஆர்-வி (Honda HR-V) காரும் மோதிக்கொண்டதில் மோட்டார் சைகிள் ஓட்டி ஒருவர் உயிரிழந்தார்.
மைவி காரின் ஓட்டுநரும் இரண்டு பயணிகளும் விபத்துக்குப் பிறகு காரை விட்டுவிட்டு அருகில் உள்ள எண்ணெய்ப் பனைத் தோட்டத்திற்குள் தப்பி ஓடிவிட்டதாக நம்பப்படுவதாகப் பான்டாங் காவல் துறைத் தலைவர் ஜைஹாம் கஹார் (Zaiham Kahar) முன்னர் தெரிவித்திருந்தார்.
