மலேசியாவின் குறைந்த ஊதியப் பிரச்சினைக்கும், நாட்டின் பொருளாதார வளர்ச்சியின் பலன்களை மலேசியர்கள் அனுபவிக்க முடியாமல் இருக்கும் உண்மைக்கும் 2027 வரவுசெலவுத் திட்டம் தீர்வு காண வேண்டும் என்று முன்னாள் நாடாளுமன்ற உறுப்பினர் இன்று தெரிவித்தார்.

கசானா ஆராய்ச்சி நிறுவனம் என்ற சுதந்திரமான ஆராய்ச்சி மையம் நடத்திய ஆய்வை மேற்கோள் காட்டிப் பேசிய சார்லஸ் சாண்டியாகோ, 70% மலேசியர்கள் பொருளாதார வளர்ச்சியின் தாக்கத்தை உணரவில்லை என்று கூறினார்.

மலேசியாவின் புள்ளியியல் துறையின் தரவுகளையும் அவர் சுட்டிக்காட்டினார். அதன்படி, மலேசியாவில் ஊதியம் பெறுபவர்களில் மூன்றில் இரண்டு பங்கு (2 in 3) பேர் நடுத்தர அல்லது குறைந்த திறன் கொண்ட வேலைகளிலேயே பணிபுரிகின்றனர் என்றும், அவர்களின் சராசரி மாத ஊதியம் முறையே வெறும் 2,223 ரிங்கிட் மற்றும் 1,758 ரிங்கிட் டாக மட்டுமே உள்ளது என்றும் அந்தத் தரவுகள் தெரிவிக்கின்றன.

மலேசியாவின் மொத்த உள்நாட்டு உற்பத்தி (GDP), மொத்த தேசிய வருமானம் (GNI) மற்றும் நேரடி வெளிநாட்டு முதலீடு (FDI) ஆகியவை அதிகரித்தாலும், மக்களின் ஊதியம் வாழ்க்கைச் செலவினங்களுக்கு ஏற்ப உயராத வரை பொதுமக்களால் அந்தச் செழிப்பை அனுபவிக்க முடியாது,” என்று சாண்டியாகோ கூறினார்.

“பொருளாதாரம் வளர்ந்து கொண்டிருக்கலாம். ஆனால், அதற்கேற்ப மக்களின் குடும்பப் பொருளாதாரம் மேம்பட வேண்டிய அவசியமில்லை

பட்ஜெட் 2027 விடையளிக்க வேண்டிய கேள்வி இதுதான்: பொருளாதார வளர்ச்சி எப்போதுதான் வலுவான குடும்ப வருமானமாகவும் பாதுகாப்பாகவும் மாறும்? என்று கிள்ளான் தொகுதியின் மூன்று முறை முன்னாள் நாடாளுமன்ற உறுப்பினரான சாண்டியாகோ தனது ‘X’ சமூக ஊடகப் பதிவில் கேள்வி எழுப்பியுள்ளார்.

மீண்டும் ஒருமுறை தற்காலிக (ஒரே ஒருமுறை மட்டும் வழங்கப்படும்) நிவாரண உதவியையோ அல்லது அறிவிப்பையோ வழங்காமல்”, முறையான ஊதிய உத்தி, வலுவான சமூகப் பாதுகாப்பு மற்றும் வாழ்க்கைச் செலவினங்களைக் கட்டுப்படுத்துவதற்கான தீவிர நடவடிக்கைகள் எடுக்கப்பட வேண்டும் என்றும் வலியுறுத்தினார்.

ஒருமுறை மட்டுமே வழங்கப்படும் தற்காலிகப் பண உதவி, நாட்டின் உள்கட்டமைப்பு சார்ந்த வாழ்வாதாரச் செலவின நெருக்கடியைத் தீர்த்துவிடும் என்று ‘பொய் வேடமிடுவதை’ நாடு நிறுத்திக்கொள்ள வேண்டும்.

தேசிய வரவுசெலவுத் திட்டம் நாடாளுமன்றத்தில் தாக்கல் செய்யப்படவிருக்கும் தேதியைக் குறிப்பிட்டுப் பேசிய அவர், “அக்டோபர் 9ஆம் தேதி என்பது நாட்டின் பொருளாதாரக் கொள்கையின் மையப்புள்ளியாக குடும்பங்களின் செழிப்பை வைப்பதாக இருக்க வேண்டும்” என்றும் வலியுறுத்தினார்.

மலேசியாவின் அதிகரித்து வரும் வாழ்க்கைச் செலவினங்களைக் குறைப்பதற்கான நடவடிக்கைகளுக்கு 2027 வரவுசெலவுத் திட்டம் முன்னுரிமை அளிக்கும் என்று கடந்த ஆகஸ்ட் 23 அன்று தகவல் தொடர்பு அமைச்சரும் அரசாங்க ஊடகத் தொடர்பாளருமான ஃபாமி பட்சில் தெரிவித்தார்.

உலகளாவிய கச்சா எண்ணெய் விலைகள் உள்ளிட்ட பல்வேறு காரணிகளை பட்ஜெட் தயாரிப்பின் போது அரசாங்கம் கருத்தில் கொள்ளும் என்றும் ஃபாமி கூறினார்.

 

 

 

-fmt