ஈப்போ காவல்துறைத் தலைவர் நஜிப் ஹம்சா கூறுகையில், சம்பவத்துக்குப் பின்னர் விரைவிலேயே கைது செய்யப்பட்ட 29 வயதுடைய வாகன ஓட்டி, மெத்தாம்பெட்டமைன் போதைப்பொருளுக்கு நேர்மறை சோதனை முடிவைப் பெற்றதுடன், வாகனம் ஓட்டுவதற்கான உரிமமும் அவரிடம் இல்லை எனத் தெரியவந்துள்ளது.

ஈப்போ காவல்துறைத் தலைவர் நஜீப் ஹம்சா கூறுகையில், அந்தச் சந்தேகநபர் எதிர்த்திசையில் காரை ஓட்டிச் சென்று, தாமான் விங் ஓன் போக்குவரத்து சிக்னல் (Traffic light) அருகே கட்டுப்பாட்டை இழந்து விபத்துக்குள்ளானார் எனத் தெரிவித்தார்.

இன்று காலை ஈப்போ, ஜாலான் சிலிபினில் அமைக்கப்பட்டிருந்த காவல்துறையின் சாலைத் தடுப்புக் காவலில் (roadblock) இருந்து தப்பிக்க முயன்ற நபர் ஒருவர் ஓட்டி வந்த வாகனம் மோதியதில், போக்குவரத்து காவலர் ஒருவரின் இடது கையும் வலது கால்களும் முறிந்தன.

இன்று காலை 9.45 மணியளவில் நடந்த இந்தச் சம்பவத்தில், வாகனத்தை நிறுத்துமாறு காவலர் ஒருவர் உத்தரவிட்டும் ஓட்டுநர் நிறுத்தாமல் வேகமாகச் சென்றதாக ஈப்போ காவல்துறைத் தலைவர் நஜீப் ஹம்ஸா தெரிவித்தார்.

பணியில் இருந்த காவலர் அதிர்ஷ்டவசமாக மோதலில் இருந்து தப்பித்துவிட்டார். அதன்பின் மூன்று போக்குவரத்து காவலர்கள் அந்த வாகனத்தைப் பின்தொடர்ந்து சென்றனர்.

பேராக் மாநிலச் செயலகக் கட்டடத்திற்கு அருகிலுள்ள போக்குவரத்து விளக்கை (traffic light) அடைந்ததும், சந்தேக நபர் இடது பாதையில் நுழைந்து, திடீரென யூ-டர்ன் (U-turn) எடுத்து ஒரு போக்குவரத்து காவலர் மீது காரை மோதினார்,” என்று ‘காஸ்மோ’ (Kosmo) நாளிதழ் வெளியிட்ட செய்தியில் நஜீப் மேற்கோள் காட்டப்பட்டுள்ளார்.

தொடர்ந்து, எதிரெதிர் திசையில் காரைச் செலுத்திய சந்தேக நபர், தாமான் விங் ஓன் (Taman Wing Onn) போக்குவரத்து விளக்குக்கு அருகே காரின் கட்டுப்பாட்டை இழந்து விபத்துக்குள்ளானார்.

அதன்பின், 29 வயதான அந்த ஓட்டுநர் உடனடியாகக் கைது செய்யப்பட்டார். அவர்களிடம் நடத்தப்பட்ட சோதனையில், அவருக்குச் செல்லுபடியாகும் ஓட்டுநர் உரிமம் இல்லை என்பதும், காரின் சாலை வரி (road tax) காலாவதியாகிவிட்டதும் தெரியவந்தது. மேலும், அவருக்கு மேற்கொள்ளப்பட்ட சிறுநீர் பரிசோதனையில் ‘மெத்தம்பெட்டமைன்’ (methamphetamine) போதைப்பொருள் பயன்படுத்தியிருப்பது உறுதிசெய்யப்பட்டது.

மது அல்லது போதைப்பொருள் செல்வாக்கின் கீழ் வாகனம் ஓட்டியதற்காக, சாலைப் போக்குவரத்துச் சட்டம் 1987-இன் பிரிவு 44(1)-இன் கீழ் வழக்குப்பதிவு செய்யப்பட்டு விசாரணை நடத்தப்பட்டு வருவதாக நஜீப் கூறினார்.