மலேசியா தனது ஐந்து ஆண்டுக்கான நிதியுதவி அமைப்பிற்கான உறுதிமொழியைப் புதுப்பித்துள்ள நிலையில், ஐ.நா.வின் UNRWA அமைப்பிற்கான நிதியுதவியை மற்ற நாடுகளும் அதிகரிக்க வேண்டும் என்று வெளியுறவு அமைச்சர் முகமது ஹசன் வலியுறுத்தியுள்ளார்.

பாலஸ்தீன அகதிகளுக்கு தொடர்ந்து உதவி வழங்குவதற்கு UNRWA அமைப்புக்கு நிலையான மற்றும் முன்கூட்டியே கணிக்கக்கூடிய நிதியுதவி மிகவும் அவசியம் என்று வெளியுறவு அமைச்சர் முகமது ஹசன் தெரிவித்தார்.

மலேசியா, பாலஸ்தீன அகதிகளுக்கான ஐக்கிய நாடுகள் சபையின் நிவாரண மற்றும் பணிகள் முகமைக்கு (UNRWA) 2026 முதல் 2030 வரையிலான காலத்திற்காக 1 மில்லியன் அமெரிக்க டாலர் (ரிம 4.08 மில்லியன்) நிதியுதவியை மீண்டும் வழங்க உறுதியளித்துள்ளது. முந்தைய ஐந்தாண்டு காலத்திற்காக வழங்கப்பட்ட அதே தொகையே இம்முறையும் உறுதியளிக்கப்பட்டுள்ளது.

மலேசிய வெளியுறவு அமைச்சர் முகமட் ஹசான், கடந்த ஐந்து ஆண்டுகளில் UNRWA-க்கு மலேசியா சுமார் 6.7 மில்லியன் அமெரிக்க டாலர் (ரிம 27.4 மில்லியன்) வழங்கியுள்ளதாக தெரிவித்தார்.

“அவ்வாறு செய்யும் நிலையில் உள்ள” பிற உறுப்பு நாடுகளும் UNRWA-வுக்கான தங்களது ஆதரவை அதிகரிக்க வேண்டும் என்று அவர் வலியுறுத்தினார். அந்த அமைப்பு தனது பணிகளைச் சிறப்பாக நிறைவேற்றுவதற்கு தொடர்ச்சியான மற்றும் முன்கூட்டியே கணிக்கக்கூடிய நிதியுதவி மிகவும் அவசியம் என்றும் அவர் கூறினார்.

இப்பகுதி முழுவதும், UNRWA தொடர்ந்து மில்லியன் கணக்கான பாலஸ்தீன அகதிகளுக்கு அத்தியாவசிய உதவிகள், பாதுகாப்பு மற்றும் சேவைகளை வழங்கி வருகிறது.

“இது ஒரு உயிர்நாடியாகும். எந்தவிதமான தடையுமின்றி இது செயல்பட அனுமதிக்கப்பட வேண்டும்,” என்று 81வது ஐக்கிய நாடுகள் பொதுச் சபைக் கூட்டத்தொடரின் போது நடைபெற்ற UNRWA-வுக்கு ஆதரவான அமைச்சரவை அளவிலான கூட்டத்தில் அவர் தெரிவித்தார்.

மலேசியா 1978ஆம் ஆண்டு முதல் ஐ.நா. நிவாரண மற்றும் பணி முகமை (UNRWA)-க்கு தொடர்ந்து பங்களித்து வருகிறது. 2021–2025 காலகட்டத்திற்காக முதன்முறையாக ஐந்து ஆண்டுகளுக்கான 1 மில்லியன் அமெரிக்க டொலர் நிதியுதவியை அறிவித்திருந்தது. ஆனால் காசா போர் தொடங்கியதைத் தொடர்ந்து, அதன் ஆதரவை கணிசமாக அதிகரித்தது. 2023 நவம்பர் முதல் UNRWA-க்கு மலேசியா 6 மில்லியன் அமெரிக்க டொலருக்கும் அதிகமாக நிதியுதவி வழங்கியுள்ளது.

முகமது அவர்கள் இதே தளத்தில், இஸ்ரேல் குவாலந்தியா பயிற்சி மையத்திற்குள் நுழைந்து அதைக் கைப்பற்றியதையும் கண்டித்தார். ஐ.நா. வளாகங்கள் மீற முடியாதவை என்றும், அவற்றுக்கு வழங்கப்பட்டுள்ள சிறப்புரிமைகள் மற்றும் சட்டப் பாதுகாப்புகள் மதிக்கப்பட வேண்டும் என்றும் அவர் வலியுறுத்தினார்.

பாலஸ்தீனம் தொடர்பாக ஏற்கனவே நிறைவேற்றப்பட்டுள்ள ஐ.நா. தீர்மானங்களை பாதுகாப்பு கவுன்சில் நடைமுறைப்படுத்த வேண்டும் என்றும் அவர் அழைப்பு விடுத்தார். சர்வதேச சட்டம், ஐ.நா. சாசனம் மற்றும் சர்வதேச நீதிமன்றத்தின் தீர்ப்புகள் “கட்டாயம் நிலைநிறுத்தப்பட வேண்டும்” என்றும் அவர் தெரிவித்தார்.