சாபாவில், 1963-க்கும் 2012-க்குமிடையில் குடியுரிமை வழங்கப்பட்டவர் எண்ணிக்கை அதே காலகட்டத்தில் சரவாக்கில் குடியுரிமை வழங்கப்பட்டவர்களைவிட 11 மடங்குக்கும் அதிகமாகும் என அரச விசாரணை ஆணையத்தில் தெரிவிக்கப்பட்டது.
அரச விசாரணை ஆணையத்தின் விசாரணை கோட்டா கினாபாலு உயர் நீதிமன்றத்தில் நடந்து வருகிறது . அதில் 63-வது சாட்சியாக சாட்சியமளித்த சரவாக் தேசியப் பதிவுத் துறை இயக்குனர் அபு பக்கார் மாட், சரவாக்கில் குடியுரிமை வழங்கப்பட்டவர் எண்ணிக்கை 5373 எனக் கூறினார்.
“அதே காலகட்டத்தில் சாபாவில் 66,000 பேருக்குக் குடியுரிமை வழங்கப்பட்டது”, என விசாரணையை நடத்தும் அதிகாரி மனோஜ் குருப் குறிப்பிட்டார்.
ஏன் இவ்வளவு பெரிய வேறுபாடு என்று வினவியதற்கு, சாபாவின் எல்லைகளைக் கடப்பது எளிதாக இருப்பது காரணமாக இருக்கலாம் என அபு பக்கார் கூறினார்.
“சரவாக் இருக்கும் இடமும் அதன் அரசியலும் வேறுபட்டிருப்பதாக நினைக்கிறேன்.
“சாபா பிலிப்பீன்சுக்கு அருகில் இருக்கிறது. இது, வெளிநாட்டு குடிமக்கள் வெள்ளம் எனப் பெருக்கெடுத்துவர காரணமாக இருந்திருக்கலாம். அந்த வெள்ளப் பெருக்கு சரவாக்கை எட்டவில்லை”, என்றாரவர்.
சாபா, கள்ளக்குடியேறிகளைத் தடுக்க எல்லைகளில் குடிநுழைவுத்துறை கண்காணிப்பையும் பாதுகாப்பையும் வலுப்படுத்த வேண்டும் என்றாரவர்.
சரவாக்கில் குடியுரிமை பெற சத்திய பிரமாணம் மட்டும் போதாது என்று அபு பக்கார் கூறினார்.
சரவாக்கில் பிறப்புச் சான்றிதழ் பெற்றிராதவர்கள், கிராமத் தலைவர்கள் அல்லது நீண்ட வீடுகளின் தலைவர்களின் சட்டப் பிரகடனத்தையும் கொண்டுவர வேண்டும்.
“அப்பிரகடனம் உண்மையானதுதானா என்பதை உறுதிப்படுத்திக்கொள்ள கிராமத் தலைவர்களையும் நாங்கள் சந்திப்பது உண்டு”, என்றவர் சொன்னார்.
அரசாங்கப் பிரதிநிதிகள் கொடுக்கும் ‘சட்டச் சான்றிதழ்களை’ஏற்றுக்கொள்வதை சரவாக் என்ஆர்டி 1988-இலேயே நிறுத்திக்கொண்டது.
இந்த தேசிய துரோக செயலுக்கு மகாதிர் முஹம்மத் கட்டாயம் கைது செயப்படவேண்டும். ஆனால் பின் ஆட்சியில் அது நடக்காது!! ஆண்டவன் கொடுத்த ‘வரம்’ பிரதமர் நஜிப் (மக்கள் சக்தி தனேந்திரன், மற்றும் ம இ கா தலைவர்கள்) ஆடம் ஆட்லி என்ற சாதாரண மாணவரை தேச நிந்தனை என்ற சட்டத்தில் கைது பண்ணியது வெட்ககேடானது. நஜிப் நேர்மையானவர்???
இன்னும் என்ன ஆதாரம் வேணும் .
இதுதான் உண்மை இங்கே பிறந்து இங்கே வளர்ந்தா தமிழனுக்கு கேள்விக்குறியே ?
BN – கு வாக்கு அளித்த இந்தியர்கள் கவனத்திற்கு…பாதிக்கப்பட்ட IC இல்லாத இந்தியர்களை பற்றி உங்கள் கருத்து என்ன?? பாவப்பட்டவர்களா, துரோகம் செய்தவர்களா,கள்ள குடியேறிகளா அல்லது பிழைக்க வழியிள்ளதவர்களா??? நம் நாடு தானே, இன்று இல்லையேல் நாளை நிச்சயம் IC கிடைக்கும் என்ற நம்பிக்கையில் தானே விசுவாசத்தோடு நம்மில் ஒரு குடிமக்களாக வாழ்கிறார்கள்!! SABAH வில் நடந்த கொடுமைகளை கேட்கும் போது அவர்கள் மனம் எப்படி துடிக்கும்,வலிக்கும்!! இப்படி துரோகம் செய்த BN -கு ஒட்டு போட்டதை நினைத்தால் அண்ணாந்து பார்த்து எச்சில் துப்புவது போல் இல்லை??? கேவலம், இதற்கு MIC , HINDRAF மண்ணோடு மண்ணாகி விடுவதே மரியாதை!!!
பங்காளிக் கட்சிகளை எல்லாம் நம்பி பிரயோஜனமில்லை. நேர்மை, நியாயம், விசுவாசம் பற்றி பேசி ஆகப் போவது ஒன்றும் இல்லை. சபா மாநிலத்தில்தான் சுலபமாக நீல நிற அடையாள அட்டை, நிலமும் கிடைக்கிறதாமே? நாமும் அந்த மாநிலத்திற்குள் கள்ளத்தனமாக குடியேற வேண்டியதுதான். அதற்கு வழி இருக்கிறதா? இதை நகைச்சுவைக்காகவோ, கிண்டலடிப்பதற்கோ சொல்லவில்லை. எங்கிருந்தோ நேற்று வந்த ‘வந்திறங்கிகள்’ கூட இங்குள்ள அரசியல் நிலைமையை தெரிந்து வைத்திருக்கிறார்கள், குடியுரிமை பெறுகிறார்கள் என்றால், நம்மால் மட்டும் ஏன் முடியாது?
“பொய் சொல்வதுதான் நீதி என்றால் பொய்யும் சொல்லோணும்”.