இஸ்லாத்துக்கு குழந்தைகளை மதம் மாற்றுவது சம்பந்தப்பட்ட கூட்டரசுப் பிரதேச  சட்டத்தைத் திருத்தும் மசோதா மீது பிஎன் எம்பி-க்கள் தங்கள் மனச்சாட்சியுடன்  வாக்களிக்க வேண்டும் எனப் பினாங்கு கெராக்கான் தலைவர் ஒருவர் அறிவுரை  கூறியுள்ளார்.

அவ்வாறு ஆலோசனை கூறிய அந்தக் கட்சியின் மாநில சட்ட, மனித உரிமைப்  பிரிவுத் தலைவர் பல்ஜித் சிங், அந்த திருத்த மசோதா தார்மீக ரீதியில் தவறு என  வருணித்தார்.

கெரக்கான் உட்பட பிஎன் உறுப்புக்கட்சிகளுடன் கலந்தாய்வு செய்யாமல் அந்த  மசோதா முன்மொழியப்பட்டுள்ளது குறித்து அவர் ஏமாற்றம் தெரிவித்தார்.

“பிஎன் -னில் ஒரு கட்சி மட்டுமே ஆட்சி புரிகிறது என்ற எண்ணத்தை அது  உறுதிப்படுத்துகிறது,” என்றும் பல்ஜித் மலேசியாகினியிடம் சொன்னார். மலாய்  முஸ்லிம்களை மட்டுமே உறுப்பினர்களாகக் கொண்ட அம்னோ அந்தத்  திருத்தத்தை கொண்டு வந்துள்ளதை அவர் அவ்வாறு குறிப்பிட்டார்.