சிறு வயது முதல் வழக்குரைஞர் ஆக விரும்பிய மாணவனுக்கு பொதுப் பல்கலைக்கழகம் ஒன்றில் சட்டம் பயில வாய்ப்பு கிடைத்ததும் அகமகிழ்ந்து போனான்.

ஆனால், மகிழ்ச்சி நீடிக்கவில்லை. பிறகுதான் தெரிய வந்தது யுனிவர்சிடி சுல்தான் சைனல் அபிடின்(UniSZA) வழங்கும் சட்டக்கல்வி மலேசியாவில் அங்கீகரிக்கப்படுவதில்லை என்பது. அதிர்ந்து போனான்.

“பொதுப் பல்கலைக்கழகம் வழங்கும் பட்டப் படிப்புக்கு அங்கீகாரம் இல்லை என்பதை நினைத்துப் பார்க்க முடிகிறதா? நம்ப முடியாத கதையாக இருக்கிறதே”, என்று வாய்விட்டுப் புலம்புகிறார் அம்மாணவனின் தாயார்.

கடந்த வெள்ளிக்கிழமை, மலேசிய வழக்குரைஞர் மன்றம், உள்நாட்டில் ஐந்து உயர்கல்விக் கூடங்கள் வழங்கும் சட்டக் கல்விக்கு அங்கீகாரம் இல்லை என்பதை மாணவர்களுக்கு நினைவுறுத்தியபோதுதான் இது பற்றி அவர்களுக்குத் தெரிய வந்தது.

HELP University College, Management and Science University (MSU), Taylor’s University, Universiti Sains Islam Malaysia (USIM),   UniSZA ஆகியவையே அந்த ஐந்துமாகும்.