மஇகா, எல்லா இந்தியர் கட்சிகளையும் தன்னுடன் இணைத்துக்கொள்ள ஆயத்தமாக உள்ளது. ஆனால், கட்சியைக் கலைத்துவிட்டு இந்தியர்களுக்காக புதுக் கட்சி அமைப்பதில் அதற்கு உடன்பாடில்லை.

இதனை வலியுறுத்திய அக்கட்சியின் துணைத் தலைவர் டாக்டர் எஸ்.சுப்ரமணியம்,  நாட்டின் பழம்பெரும் அரசியல் கட்சிகளில் மஇகா அதன் அடையாளத்தை இழப்பது முறையாகாது என்றார்.

பாரிசான் நேசனலில் (பிஎன்) உள்ள இந்தியர் கட்சிகள், இந்தியர்களின் நலன்கருதி ஒன்றிணைவது நல்லது என்ற கருத்தை பிஎன் தலைமைச் செயலாளர் தெங்கு அட்னான் தெங்கு மன்சூர் ஞாயிற்றுக்கிழமை முன்மொழிந்திருந்தார்.