மசீச தலைவர் டாக்டர் சுவா சொய் லெக், டிசம்பர் மாதக் கட்சித் தேர்தலில் போட்டியிடப் போவதில்லை என்று ஏற்கனவே வாக்குறுதி அளித்துள்ளார். ஆனால், அவர் பதவியைத் தக்கவைத்துக்கொள்ள தேர்தலில் போட்டியிடலாம் என்று வதந்திகள் அடிபடுகின்றன.
இது பற்றி மசீச முன்னாள் ஏற்பாட்டுக்குழுச் செயலாளரும் சுவாவின் முன்னாள் அரசியல் செயலாளரும், இன்னும் அவரது “வலது கை”யாகவும் இருந்துவரும் டீ சியு கியோங்கிடம் (இடம்) வினவியதற்கு அரசியலில் ஆருடம் கூறுவது கடினம் என்றார்.
“அரசியலில் கடைசி நிமிடம்வரை எதையும் தீர்மானமாக சொல்ல முடியாது. நானும்கூட பொதுத் தேர்தலுக்குப்பின் ஆட்சிக்குழு உறுப்பினராக நியமனம் செய்யப்படுவேன் என்பதை எதிர்பார்க்கவில்லை ”, என்றவர் மலேசியாகினியிடம் தெரிவித்தார்.
டீ, ஜோகூர் ஆட்சிக்குழு உறுப்பினராக ஜோகூர் ஆட்சியாளர் சுல்தான் இப்ராகிம் சுல்தான் இஸ்கண்டரால் நியமனம் செய்யப்பட்டார்.
