மஇகா தலைவராக போட்டியின்றித் தேர்ந்தெடுக்கப்பட்ட ஜி.பழனிவேல், துணைத் தலைவர் டாக்டர் எஸ், சுப்ரமணியமும் போட்டியின்றித் தேர்ந்தெடுக்கப்பட வேண்டும் என விரும்புகிறார்.

தம் நிலைப்பாட்டுக்கான காரணத்தை அவர் தெரிவிக்கவில்லை. ஒரு வேளை, அது பிரதமரின் முன்னிலையில் அவரும் சுப்ரமணியமும் செய்துகொண்ட ஏற்பாட்டின் விளைவாக இருக்கலாம்.

ஆனால், உதவித் தலைவர் பதவிக்கு போட்டி இருக்கும் என அவர் எதிர்பார்க்கிறார்.

“எத்தனை பேருக்கு அதில் விருப்பம் என்பது தெரியவில்லை, ஆனால், மூன்றுக்கு மேற்பட்ட போட்டியாளர்கள் இருப்பார்கள்”, என்றவர் ஓர் அறிக்கையில் கூறினார்.

மஇகா  கட்சித் தேர்தல்கள் டிசம்பரில் நடைபெறும்.