அரசாங்கம் அதன் தேர்தல் வாக்குறுதிகளை நிறைவேற்ற கடமைப்பட்டிருக்கிறது என்பதை பிஎன் கப்பாளா பத்தாஸ் எம்பி ரீசல் மரைக்கான் இன்று நினைவுப்படுத்தினார். பிஎன் அதன் தேர்தல் அறிக்கையில் டோல் கட்டணத்தைக் குறைப்பதாக வாக்குறுதி அளித்திருப்பதை அவர் சுட்டிக்காட்டினார்.

“நகரங்களுகிடையிலான டோல் கட்டணத்தைக் கட்டம் கட்டமாகக் குறைக்க பிஎன் வாக்குறுதி அளித்தது”, என ரீசல் மரைக்கான் இன்று ஓர் அறிக்கையில் கூறினார்.

பிரதமர் நஜிப் அப்துல் ரசாக் இதைக் கவனிக்க வேண்டும் என்றவர் கேட்டுக்கொண்டார்.

டோல் கட்டணம் எந்த விகிதத்தில் அமைந்திருந்தாலும் அதனால் மக்களுக்குத் தொல்லைதான் என்றவர் கூறினார்.