மசீச  தலைவர்  லியோ  தியோங்  லாய்,  காஜாங்கில்  இடைத்  தேர்தல்  நடத்த  பிகேஆர்  செய்த  முடிவு  “தப்பு”என்று  கூறியுள்ளார்.

“மக்கள்  வாழ்க்கைச்  செலவினம்  கூடியிருப்பதாலும்  பொருளாதாரப்  பிரச்னைகளாலும்  ஏற்கனவே  சிரமப்பட்டுக்  கொண்டிருக்கிறார்கள்.
“அவர்களும் (பிகேஆர்)  பொருளாதாரத்தை  உயர்த்த  கவனம்  செலுத்த  வேண்டுமே  தவிர  சுய  விருப்பத்துக்காக  இடைத்  தேர்தலை  நடத்திக் கொண்டிருக்கக்  கூடாது”.  லியோ, காஜாங்கில்  சீனப்  புத்தாண்டு  திறந்த  இல்ல  உபசரிப்பில்  செய்தியாளர்களிடம்  பேசினார்.
பிகேஆர்  உள்பூசல்களுக்குத்  தீர்வுகாண   இடைத்  தேர்தலைப்  பயன்படுத்திக்கொள்ளக்கூடாது  என்றாரவர்.