ஹுத்தான்  மெலிந்தாங்  சட்டமன்ற  உறுப்பினர்  எஸ்.கேசவன்  கட்சியைவிட்டு   விலகினார்  என்று  கூறப்படுவதை   பிகேஆர்  மறுத்துள்ளது.

“கேசவனின்  விளக்கத்தைக்  கேட்ட  பின்னர்,  அவர்  அக்கடிதத்தை  அனுப்பவில்லை  என்பது  உறுதியாகி  விட்டது.  அவர்  கட்சியிலிருந்து  விலகவில்லை”, என  தொடர்பு  இயக்குனர்  பாஃமி  பாட்சில்  இன்று  ஓர்  அறிக்கையில்  கூறினார்.

அது  ஒரு  போலிக்  கடிதம்.   அதைப்   பற்றி  போலீசிடம்  புகார்  செய்யுமாறு  அவருக்கு  அறிவுறுத்தப்பட்டுள்ளது  என்றாரவர்.

கேசவனால்  சட்டமன்றத்  தலைவர்  எஸ்.கே. தேவமணிக்கு எழுதப்பட்டது  என்று  கூறப்படும்  ஒரு  கடிதம்தான்  இத்தனை  குளறுபடிகளுக்கும்  காரணமாகும்.

ஜனவரி 2  எனத்  தேதியிடப்பட்ட  அக்கடிதம் “கட்சியின்  தலைமைத்துவம்மீது  நம்பிக்கை  போய்விட்டதால்”  கேசவன்  கட்சியை  விட்டு  விலகுவதாகக்  கூறியது.