பி. வேதமூர்த்தி  விலகிக்கொண்டதுபோல்  மஇகா-வும்  அம்னோவுடன்  உறவுகளைத்  துண்டித்துக்கொள்ள  வேண்டும்  என  இந்திய  என்ஜிஓ-களின்  கூட்டமைப்பு  ஒன்று  கேட்டுக்கொண்டுள்ளது.

மஇகாவும்  மற்ற  பங்காளிக்  கட்சிகளும்  பிஎன்னைவிட்டு  வெளியேறி  எதிரணியுடன்  சேர்ந்துகொள்ள  வேண்டும்  என  மலேசிய  இந்திய  முற்போக்குச்  சங்க (பிபாஸ்)த்  தலைமைச்  செயலாளர் எஸ்.பாரதிதாசன்  கூறினார்.

. “கூட்டணியின்  முதுகெலும்பு (அம்னோ) இனத்தையும்  சமயத்தையும் வைத்து  விளையாடுவதையும்  அதன்   தலைவர்கள்  மலாய்க்காரர்-அல்லாதாரை ‘பெண்டாடாங் (வந்தேறிகள்)  என்று  விடாமல்  சொல்லி வருவதையும்  பார்க்கையில்  பிஎன்-இல்  தொடர்ந்து  இருப்பதில்  என்னதான்  பயன்?”,  என்றவர்  வினவினார்.

பிஎன்  பங்காளிக்  கட்சிகள்  அவை  சார்ந்துள்ள  சமூகங்களின்  நிலையையும்  நலனையும்  பாதுகாக்க  விரும்பினால்  பிஎன்னிலிருந்து  வெளியேறி  பக்காத்தானில்  சேர  வேண்டும்  என பாரதிதாசன்  குறிப்பிட்டார்.