சிலாங்கூர்  மந்திரி  புசார்  பதவிக்கு  பிகேஆரைவிட  டிஏபி-யே  கூடுதல்  தகுதி  பெற்றிருப்பதாக  சிலாங்கூர்  மசீச செயலாளர்  இங்  சொக்  சின்  கூறுகிறார்.

சட்டமன்றத்தில்  பிகேஆரிடம்  இருப்பது  14  இடங்கள். ஆனால், டிஏபி  15 இடங்களை  வைத்துள்ளது.

மந்திரி புசார்  பதவிக்கு உரிமை  கொண்டாடும்  துணிச்சல்  டிஏபி-க்கு  வர  வேண்டும்  என்றும்  அதைப்  பெறுவதற்கு  பாஸ்  கட்சியின்  ஒத்துழைப்பையும்  அது நாடலாம்  என்றும்  இங்  நேற்று  ஓர்  அறிக்கையில்   கூறினார்.

ஆனால், இங்   ஒன்றை  மறந்து  விட்டார்.சிலாங்கூர் அரசமைப்பு  மந்திரி  புசார்  “மலாய்  இனத்தவராகவும்  முஸ்லிமாகவும்”  இருத்தல்  வேண்டும்  என்று  கூறுகிறது.   

டிஏபி-இன்  15  சட்டமன்ற  உறுப்பினரில்  எவரும்  மலாய்க்காரர்  அல்லர், முஸ்லிமும்  அல்லர்.