கடந்த  ஆண்டைக்  காட்டிலும்  இவ்வாண்டு  மருத்துவக்  கட்டணங்கள்  கூடி  இருப்பதாக  நீங்கள்  நினைத்தால்  அது  சரிதான்.

அறுவைச் சிகிச்சைக்  கட்டணங்கள்  உள்பட  எல்லாவகை  மருத்துவக்  கட்டணங்களும்  வெளியில்  தெரியாமல்  கமுக்கமான  முறையில்  உயர்த்தப்பட்டுள்ளன.

மருத்துவர்களான  எம்பிகளைக்  கேட்டால்  அவர்களுக்கும்  இது  பற்றித்  தெரியவில்லை.

“இதைப்  பற்றி  கடந்த  நாடாளுமன்றக்  கூட்டத்தில்  எதுவும்  விவாதிக்கப்படவில்லையே”,  என்கிறார் பிகேஆரின்  வங்சா  மாஜு  எம்பி  டாக்டர்  டான்  கீ  குவோங்.

மருத்துவக்  கட்டணத்தை  உயர்த்துவது  பற்றி  நாடாளுமன்றத்தில்  விவாதிக்க  வேண்டியதில்லை. தனியார்  உடல்நலப்  பராமரிப்புச்  சேவைச்  சட்டம்  மருத்துவக்  கட்டணத்தில்  திருத்தம்  செய்யும்  அதிகாரத்தை  அமைச்சருக்கு  வழங்குகிறது.

“முன்னாள்  மருத்துவர்  என்ற  முறையில் மருத்துவக்  கட்டண  உயர்வு  தேவையற்றது  என்றே  நினைக்கிறேன்…….பல்வேறு  விலை  உயர்வுகளால்  பொதுமக்கள்  ஏற்கனவே  துன்பப்பட்டுக்  கொண்டிருக்கிறார்கள்”,  என்று  டான்  கூறினார்.