எம்ஏஎஸ்  விமானமொன்று  காணாமல்  போனதற்குத்  தானே  பொறுப்பு  என்று   உரிமை  கொண்டாடி  வலம்வந்து  கொண்டிருக்கும்  ஒரு  கடிதம்  உண்மையானதாக  இருக்கும்  சாத்தியமில்லை  என்கிறார்  இடைக்கால  போக்குவரத்து  அமைச்சர்  ஹிஷாமுடின்  உசேன்.

சீனாவில்,  ஊடகங்களில்  வலம்  வந்து  கொண்டிருக்கும்  ஒரு  திறந்த  மடல்  பற்றியே  ஹிஷாமுடின்  அவ்வாறு  கூறினார். அக்கடித்ததில், சீனாவின் தியாகிகள்  படை  என்ற  அமைப்பு  விமானம்  காணாமல்  போனதற்குத்  தானே  பொறுப்பு  என்று  கூறிக் கொண்டிருக்கிறது.

எம்எச்370 காணாமல்  போன  விவகாரம்  மீதான  விசாரணையில்  சீன  அரசாங்கத்துக்குத்  திருப்தி  இல்லை  என்று கூறப்படுவதையும்  ஹிஷாமுடின்   மறுத்தார்.

விசாரணையில்  உதவ  சீனப்  பணிப்படை  ஒன்று  மலேசியா  வந்திருப்பதாகவும்  அவர்  சொன்னார்.

உறுதிப்படுத்தப்படாதத்  தகவல்களைப்  பரப்பக்  கூடாது  என  அவர்  பொதுமக்களையும்  ஊடகங்களையும்  கேட்டுக்கொண்டார்.