சீனக் கப்பல் ஒன்று கடலில் மிதந்து கொண்டிருந்த ஒரு பொருளை மீட்டெடுத்துள்ளது. அது காணாமல்போன மலேசிய விமான நிறுவனத்தின் விமானத்தைச் சேர்ந்த பொருளாக இருக்கலாம் என சந்தேகிக்கப்படுகிறது.
அப்பொருள் விமானம் காணாமல்போனதாக சொல்லப்படும் பகுதியில் கண்டெடுக்கப்பட்டதாக சீனாவின் ஸின்ஹுவா செய்தி நிறுவனம் கூறியது.
சீனக் கப்பலின் பணியாளர்கள் எனக் கருதப்படும் இருவர், கடலிலிருந்து ஆரஞ்ச் நிறப் பொருள் ஒன்றை நீண்ட கம்புகளைக் கொண்டு கப்பலை நோக்கி இழுப்பதைக் காட்டும் படமொன்றை ஸின்ஹுவா இன்று காலை ட்விட்டரில் வெளியிட்டிருந்தது.
