நாளை கோலாலும்பூரில்  தங்குவிடுதி  ஒன்றில் போக்குவரத்து  அமைச்சு  நடத்தும்  எம்எச்370  விளக்கக்  கூட்டத்துக்குத்  தங்களுக்கு  அழைப்பு  இல்லை  என்பதால் கொதித்துப்  போயுள்ளனர்  பக்காத்தான்  எம்பிகள்.

அமைச்சின்  போக்கு  நாடாளுமன்றத்தையே  இழிவுபடுத்துவதாக  பவுசியா  சாலே(பிகேஆர்- குவாந்தான்)  கூறினார்.

இந்த  விளக்கக்கூட்டத்தை  மக்களவையிலேயே  நடத்தி  இருக்கலாம்  என்றவர்கள்  சொன்னார்கள்.

ஆனால், நோ  ஒமார்(பிஎன் -தஞ்சோங் காராங்)  அரசாங்கத்தைத்  தற்காத்துப்  பேசினார்.  மாற்றரசுக்  கட்சியினரைக்  கூட்டத்துக்கு  அழைத்தால்  அதில்  கூறப்படும்  தகவல்கள் “விளக்கக்  கூட்டம்  முடிவதற்கு  முன்பே  சமூக  வலைத்தளங்களில்  பரவி  விடும்”  என்றார்.

யாரை  அழைப்பது  யாரை  அழைக்கக்கூடாது  என்பது   அமைச்சரின்  தனியுரிமை.  அது  குறித்துக்  கேள்வி  கேட்கக்கூடாது  என்றாரவர்.