காஜாங்கில்  சீன  வாக்காளர்கள்  “அவர்களின்  இனத்தவருக்கே  வாக்களிக்க  வேண்டும்”  என்று  கூறிய  பிரதமர்துறை  அமைச்சர்  ஜோசப்  குருப்பை  எதிரணி எம்பி தெரேசா  கொக்  சாடினார்.

அரசாங்க  பாரங்களில்  “இனம்” என்பதைக்  குறிப்பிட  ஒதுக்கப்பட்ட  இடத்தை எடுத்துவிட  வேண்டும் என்று  கடந்த  மாதம்  வலியுறுத்திய  குருப்தான்  இடைத்  தேர்தலில்  “இனவாதம்  பேசுகிறார்”  என  சிபூத்தே  எம்பி  விளாசினார்.

தேசிய  ஒற்றுமை  அமைச்சர்  பணியை  அவர்  நேர்மையாக  செய்கிறாரா  எனவும்  தெரேசா  வினவினார்.

“தேசிய  ஒற்றுமைக்குப் பொறுப்பாக  உள்ள  அமைச்சர்  இடைத்  தேர்தலில்  இனவாதம்  பேசுதல்  அழகா?

“இவர் ஒற்றுமை  அமைச்சரா  அல்லது  ஒற்றுமையின்மை  அமைச்சரா?- மலேசியர்கள்  தெரிந்துகொள்ள  விரும்புகிறார்கள்”,என  கொக்  கூறினார்.