எம்எச்370 நெருக்கடியில்  அரசியலை  ஒதுக்கி  வைத்துவிட்டு  எதிரணி  எம்பிகளுடன்  இணைந்து  செயல்பட பிரதமர்  நஜிப்  அப்துல்  ரசாக்  முன்வரவேண்டும்  என்று பிகேஆர்  வலியுறுத்தியுள்ளது.

அதுவே சரியான ஜனநாயக  நடவடிக்கையாகும்  எனக்  குறிப்பிட்ட  பிகேஆர்  உதவித்  தலைவர்  என். சுரேந்திரன்,  நஜிப்  தேசிய  நலன்  காக்கவும்  வெளிநாட்டு  ஊடகங்களின்  மோசமான  விமர்சனங்களை  எதிர்கொள்ளவும்  எதிரணித்  தலைவர் அன்வார்  இப்ராகிமுடன்  கலந்து  பேச  வேண்டும்  எனக்  கேட்டுக்கொண்டார்.

எம்எச்370  விவகாரம்  பற்றிய  விளக்கமளிப்புக்  கூட்டத்துக்கு  இடைக்காலப்  போக்குவரத்து  அமைச்சர்  ஹிஷாமுடின்  உசேன் பிஎன்  எம்பிகளை  மட்டுமே  அழைத்திருப்பதையும்  சுரேந்திரன்  குறைகூறினார்.

“இதுபோன்ற  நேரங்களில்  எதிரணியுடனும்  ஆலோசனை  கலப்பது  முக்கியமாகும்.  அது, வலுவுடனும்  ஒன்றுபட்ட  நிலையிலும்  சவாலை எதிர்கொள்ள  உதவியாக  இருக்கும்”,என சுரேந்திரன்  ஓர்  அறிக்கையில்  கூறினார்.