அந்தமான் -நிகோபார்  தீவுகளுக்கு  அருகில்  காணாமல்போன எம்ஏஎஸ்  விமானத்தைத்  தேட  தன்  கப்பல்களுக்கு  அனுமதி  வழங்க  வேண்டும்  என்ற  சீனாவின்  கோரிக்கையை  இந்தியா  ஏற்கவில்லை.

நான்கு  போர்க்கப்பல்கள்  இந்திய  கடல்பகுதிக்குள்  செல்ல  அனுமதிக்க  வேண்டும்  என்று  சீனா  கேட்டுக்கொண்டதாகவும்  இந்தியா  அதற்கு “நயமாக   மறுப்புத்  தெரிவித்துவிட்டதாகவும்”  இந்திய  அதிகாரிகள் கூறினர்.

இந்தியக்  கப்பல்கள்  வங்காள  விரிகுடாவிலும்  அந்தமான்  கடலிலும் ஏற்கனவே  தேடும்  பணியில்  ஈடுபட்டிருப்பதாக  டைம்ஸ்  அப்   இந்தியா  தெரிவித்தது.

அந்தமான் -நிகோபார்  தீவுகள்  இந்தியாவின்  பாதுகாப்புக்கு  முக்கியமானவை  என்பதால்தான்  அப்பகுதிக்குள்   சீனப்  போர்க்கப்பல்கள்  நுழைவதை   இந்தியா விரும்பவில்லை.