மே 1 பொருள்,  சேவை  வரி(ஜிஎஸ்டி)- எதிர்ப்புப்  பேரணியை  டாட்டாரான்  மெர்டேகாவில்  நடத்த  அனுமதிப்பதில்லை  என்ற  முடிவுடன்  இருக்கிறார்கள் போலீசார். ஆனால், பேரணி  ஏற்பாட்டாளர்களோ  அங்குதான் அதை  நடத்துவது   என்பதில்  உறுதியாக  இருக்கிறார்கள்.

கூட்டரசு  அரசமைப்பின்  பகுதி  10,  அமைதியாக  பேரணி  நடத்த  அனுமதிப்பதாக  பேரணி  பேச்சாளரும்  பிஎஸ்எம்  தலைமைச்  செயலாளருமான  எஸ்.அருட்செல்வன்  கூறினார்..

மேலும்,  இதற்குமுன்  தொழிலாளர்  தினப்  பேரணிகளுக்கும்  மற்ற  நிகழ்வுகளுக்கும்  போலீசார்   கேட்காமலேயே   அனுமதி  அளித்திருப்பதாக  அவர்  கூறினார்.

“இதற்குமுன்  கேஎல்சிசி  முன்  கூடி  இருக்கிறோம்.  முன்னாள் (அமெரிக்க) வெளியுறவு  அமைச்சர்  கொண்டலீஸா  ரைஸுக்கு  எதிராக  ஆர்ப்பாட்டம்  செய்தபோதுகூட  நாங்கள்  அனுமதி  பெறவில்லை.  போலீசார்  எங்களை  போலீஸ்  நிலையத்துக்கு  வரச்  சொன்னார்கள்.  ஆனால்,  அனுமதி  எடுக்குமாறு  சொல்லவில்லை.

“எனவே,  அதிகாரிகளிடம்  அனுமதி  கோருவது  தேவையற்றது”,  என்றாரவர்