தெலோக்  இந்தான்  இடைத்  தேர்தலுக்கு  இன்னும்  இரண்டு நாள்கள்  உள்ள  வேளையில்  நேற்று  ஒரு  நிகழ்வில்  கலந்துகொண்ட  சுமார்  100  பேருக்கு  பிஎன் உணவுப்பொருள்கள்  அடங்கிய  பரிசுக் கூடைகளை  வழங்கியது  கண்டனத்துக்கு  இலக்கானது.

தகவல்  கிடைத்து  அந்நிகழ்வு  நடந்த  ஜாலான்  பொம்பா  சென்ற  டிஏபி  புக்கிட்  காசிங்  சட்டமன்ற  உறுப்பினர்  ஆர்.ராஜிவ்,  அங்கு  பிஎன்  வேட்பாளர்  மா  சியு  கியோங்  இருந்ததைக்  கண்டார்.

“சுமார்  100 பேர்  பரிசுக்கூடைகள் பெற  வரிசையில்  நின்றனர். மா-வும்  அங்கிருந்தார். அவர்களுடன்  கைகுலுக்கினார்.

“இதுவும்  ஒரு  வகை  கையூட்டுத்தான்”,  என  ராஜிவ்  கூறினார்.

நிகழ்ச்சி  அறிவிப்பாளர்  மாவுக்கு  வாக்களிக்குமாறு  வெளிப்படையாகவே  வலியுறுத்தியதையும்  தாம்  செவிமடுத்ததாக  ராஜிவ்  தெரிவித்தார்.