துணைப்பிரதமர்  முகைதின்  யாசின், காலஞ்சென்ற  பேராக்  சுல்தான்  சுல்தான்  அஸ்லான்  முஹிப்பிடின்  ஷா-வுக்கு  மரியாதை  தெரிவிக்காமல்  நேற்றிரவு  தெலோக்  இந்தானில்  பரப்புரையைத்  தொடர்ந்து  நடத்திய  எதிரணியினரைக் கண்டித்தார்.

பிஎன்,  ஏற்கனவே  செய்த  முடிவின்படி, காலஞ்சென்ற  சுல்தானுக்கு  மரியாத  தெரிவிக்க  இடைத்  தேர்தல்  நிகழ்வுகளை  நிறுத்தி வைத்தது  என்றாரவர்.

“எதிரணியினர்  எதைப்  பற்றியும்  கவலைப்படவில்லை  எனத்  தெரிகிறது. அவர்கள்  நம்பிக்கை  இழந்தவர்கள்போலவும் தெரிகிறார்கள். எந்த  நிலைமையிலும் (பரப்புரையை)  தொடர்ந்தார்களே”,  என  முகைதின்   கூறினார்.