சீனாவில்  இருந்தபோது  அந்நாட்டு  அரசாங்கம்  தம்  நலனில்  மிகுந்த  அக்கறை  காட்டியது  எனப்  பெருமையாகக்  கூறிக்  கொண்டிருக்கிறார்  பிரதமர்  நஜிப்  அப்துல்  ரசாக்.

பாதுகாப்பு  ஏற்பாடுகள்  எல்லாம் தடபுடலாக  இருந்தனவாம். அவரது  பாதுகாப்புக்காக  ஒரே  மாதிரியான  தோற்றம்கொண்ட  மூன்று  சொகுசு  கார்கள்  பயன்படுத்தப்பட்டன.

கோலாலும்பூரில்  முதலீட்டாளர்கள்,  வணிகர்கள்  அடங்கிய  கூட்டத்தில்  பேசிய  நஜிப், “என்  உடல்நலனைக்  கவனித்துக்கொள்ளவே தனி  சுகாதார  அதிகாரி இருந்தார்”, என்றார்.

“முட்டைகளை மூன்று  நிமிடங்கள்  வேகவைத்து  உண்பது  என்  வழக்கம்  ஆனால், 10  நிமிடங்கள் வேகவைத்துச்  சாப்பிட  வேண்டும் ,அதுதான்  உடல்நலனுக்கு  உகந்தது   என்பதில்  அவர் கண்டிப்பாக  இருந்தார்”, என நஜிப்  விவரித்தார்.