பிரதமர்  நஜிப்  அப்துல்  ரசாக்,  அமைச்சரவை திருத்தி  அமைக்கப்படும்  என்று கூறும்  செய்தியை  மறுத்தார்.

வெள்ளிக்கிழமை  அமைச்சரவை திருத்தி  அமைக்கப்படும்  என்று  நாளேடு  ஒன்றில்  வெளிவந்த  தகவல் பற்றி  நஜிப்பிடம்  வினவப்பட்டதற்கு, “யான்  அறியேன்” என்று  சுருக்கமாக  மறுமொழி  கூறினார்.

துர்க்மினிஸ்தான்  பயணத்தை  முடித்துக்கொண்டு  கோலாலும்பூருக்குத்  திரும்புமுன்னர்  அஷ்கபாத்  அனைத்துலக  விமான  நிலையத்தில்  நடைபெற்ற  செய்தியாளர்  கூட்டத்தில்  நஜிப்  இவ்வாறு  கூறினார்.

நஜிப்,  மசீச  தலைவர்  லியோ  தியோங்  லாயையும்    கெராக்கான்  தலைவர்  மா  சியு  கியோங்கையும்  அரசாங்கத்தில்  இணைத்துக்கொள்ளுமுன்னர்  மொத்த  அமைச்சரவையையும்  திருத்தி  அமைப்பது  பற்றி  ஆலோசிப்பதாக   மலாய்  மெயில்  செய்தி  வெளியிட்டிருந்தது.

-பெர்னாமா