இந்தியாவிற்கு விஜயம் செய்துள்ள தமிழ்த் தேசியக் கூட்டமைப்பினருக்கு அந்நாட்டு அரசாங்கம் கன்னத்தில் அறைந்துள்ளது.

ஒரு வகையில் தமிழ்த் தேசியக் கூட்டமைப்பின் இந்த விஜயத்தை “ பொல்லைக் கொடுத்து அடி வாங்கும்” நடவடிக்கையாகவே நோக்க வேண்டும்.

கூட்டமைப்பு பிரதிநிதிளுக்கு இந்திய மத்திய அரசாங்கம் வழங்கிய பதில் மனோ கணேசன் போன்ற கோமாளிகளின் வாய்ச்சவடால்களுக்கு பதிலடியாக அமைந்துள்ளது.

இலங்கைத் தமிழ் மக்களின் பிரச்சினைகள் குறித்து இந்திய மத்திய அரசாங்கத்துடன் பேச்சுவார்த்தை நடத்துவதில் பயனில்லை.

தமிழ் மக்களுக்கு ஏதேனும் பிரச்சினைகள் இருந்தால் அது குறித்து இலங்கை அரசாங்கத்துடனேயே பேச்சுவார்த்தை நடத்த வேண்டும்.

இலங்கையின் உள்விவகாரங்களில் தலையீடு செய்ய இந்தியாவுக்கு அவசியமில்லை.

இலங்கை விவகாரங்களில் சர்வதேசம் தலையீடு செய்வதனையும் இந்தியா விரும்பவில்லை.

தமிழ் மக்களின் நோக்கம் எதுவாக இருந்தது?

போர்க்குற்றச் செயல்கள் தொடர்வில் சர்வதேச விசாரணை, மாகாணசபைகளுக்கு கூடுதல் அதிகாரங்கள், தற்போதைய அரசியல் சூழ்நிலைமை உள்ளிட்ட பல்வேறு விடயங்கள் குறித்து தமிழ்த் தேசியக் கூட்டமைப்பு இந்திய மத்திய அரசாங்கத்துடன் பேச்சுவார்த்தை நடத்தவே இந்தியாவிற்கு விஜயம் செய்திருந்தது.

அனைத்து விடயங்களிலும் தமிழ் மக்களுக்கு அநீதி இழைக்கப்படுவதாகவும், அது தொடர்பில் இந்திய மத்திய அரசாங்கம் தலையீடு செய்ய வேண்டும் என தமிழ்த் தேசியக் கூட்டமைப்பு கோரியிருந்தது.
எனினும், தமிழ்த் தேசியக் கூட்டமைப்பின் எந்தவொரு நோக்கமும் இந்திய விஜயத்தின் போது நிறைவேறவில்லை.

இந்திய பிரதமர் நரேந்திர மோடியின் தலைமையிலான அரசாங்கம் நேரடி கொள்கைகளை பின்பற்றி வருகின்றன.

தமிழ்த் தேசியக் கூட்டமைப்பு, தமிழக அரசாங்கம் ஆகியனவற்றின் அழுத்தங்களினால் மத்திய அரசாங்கத்தின் கொள்கைகளில் மாற்றம் ஏற்படப் போவதில்லை.

நரேந்திர மோடி ஆட்சிக் காலத்தில் தங்களது அபிலாஷைகளை பூர்த்தி செய்துகொள்ள முடியும் என தமிழ்த் தேசிக் கூட்டமைப்பு தப்புக் கணக்கு போட்டது.

பாரதீய ஜனதா கட்சி இந்து அடிப்படைவாதகொள்கைகைள பின்பற்றும் என கருதியது.

இலங்கையுடன் அடிக்கடி முரண்பாட்டு நிலைமை ஏற்படும் என தமிழ்த் தேசியக் கூட்டமைப்பு எதிர்பார்த்தது.  எனினும், தமிழ்த் தேசியக் கூட்டமைப்பின் முட்டாள்தனமான எண்ணங்கள் எதுவும் ஈடேறவில்லை.

தமிழ்த் தேசியக் கூட்டமைப்பின் அபிலாஷைகளின் பின்னணில் தமிழ் இனவாத கொள்கைகளைப் பின்பற்றும் நவனீதம்பிள்ளையும், தமிழ் புலம்பெயர் சமூகமும் செயற்பட்டு வருகின்றன.

தமிழ்த் தேசியக் கூட்டமைப்பு அரசியல் ரீதியாக பிழையான கொள்கைகளை பின்பற்றியிருந்தது.

தமிழ் இனவாதத்தை தூண்டுவதனையும் பயங்கரவாதத்திற்கு ஆதரவளிப்பதனையுமே தமிழ்த் தேசியக் கூட்டமைப்பு கொள்கையாக கொண்டிருந்தது.

முன்னாள் பிரதமர் மன்மோகன் சிங், தமிழ்த் தேசியக் கூட்டமைப்பு மற்றும் தமிழக அரசாங்கத்தின் அழுத்தங்களுக்கு அடி பணிந்திருந்தார். எனினும் நரேந்திர மோடி இவ்வாறான அழுத்தங்களுக்கு அடி பணிய மாட்டார்.

தமிழ் புலம்பெயர் சமூகத்தின் கைப்பொம்மையாக மோடி செயற்படமாட்டார்.

தமிழ்த் தேசியக் கூட்டமைப்பின் கோரிக்கைகளை இந்திய பிரதமர் ஏற்றுக்கொள்ளவில்லை என தினமினவின் ஆசிரியர் தலையங்கத்தில் குறிப்பிடப்பட்டுள்ளது.

இதேவேளை, இலங்கை அரசாங்கத்தை சந்திப்பதற்கு முன்னதாகவே தமிழ்த் தேசியக் கூட்டமைப்புடன் இந்திய பிரதமர் சந்திப்பு நடத்தியமை அரசியல் மட்டத்தில் சர்ச்சையை ஏற்படுத்தியுள்ளது.

இது தொடர்பில் இலங்கை அரசாங்கம் நேரடியாகவே எதிர்ப்பை வெளியிடத் திட்டமிட்டுள்ளதாக சிங்கள ஊடகங்களில் செய்தி வெளியிடப்பட்டுள்ளது.