முன்னாள்  பிரதமர்  டாக்டர்  மகாதிர்  முகம்மட்  பிரதமர்  நஜிப்பைக்  குறைகூறுகிறார்  என்றால்  அதற்கு  இப்போதுள்ள  தலைவர்களை  அவர்  மிகவும்  நேசிப்பதே  காரணம்.

மகாதிரின்  குறைகூறல்கள்  நாடு  எதிர்நோக்கும்  பல்வேறு  சவால்களையும்  எதிர்கொள்ள  நஜிப்புக்கு  ஊக்கமளிக்கும்  நோக்கம்  கொண்டவை  என்கிறார்  கெடா  மந்திரி  புசார்  முக்ரிஸ்  மகாதிர்.

“அன்பினால்தான்  என்  தந்தை  துன்  மகாதிர்  குறைகூறுகிறார்  என்பதைச்  சொல்லிக்கொள்ள  விரும்புகிறேன்.. அது டத்தோ  ஸ்ரீ(நஜிப்)க்கு  ஊக்கம்  கொடுக்கும்  நோக்கம்  கொண்டது. .டத்தோ ஸ்ரீக்கும்  இது  தெரியும் என்றே  நம்புகிறேன்”, என்றாரவர்.

இன்று, ஜெர்லுன்  அம்னோ  பேராளர்  கூட்டத்தை  நஜிப்  தொடக்கிவைத்த  நிகழ்வில்  உரையாற்றியபோது  முக்ரிஸ்  இவ்வாறு  கூறினார்.