ஈழ இராச்சியத்தினை உருவாக்குவது குறித்து ஐரோப்பிய ஒன்றியத்திடம் யோசனைத் திட்டமொன்று சமர்ப்பிக்கப்பட்டுள்ளதாக சிங்கள வார இறுதிப் பத்திரிகையொன்று செய்தி வெளியிட்டுள்ளது.
ஐரோப்பிய ஒன்றியம் தமிழீழ விடுதலைப் புலிகளுக்கு எதிரான தடையை நீக்கியதனைத் தொடர்ந்து இந்த யோசனை முன்வைக்கப்பட்டுள்ளது.
புலம்பெயர் புலி ஆதரவு தமிழ் அமைப்புக்களினால் இந்த யோசனைத் திட்டம் சமர்ப்பிக்கப்பட்டுள்ளதாக அப்பத்திரிகையில் குறிப்பிடப்பட்டுள்ளது.
இலங்கைக்குள் தமிழர்களுக்கு தனியொரு நாட்டை உருவாக்கும் நோக்கில் இந்த யோசனைத் திட்டம் முன்வைக்கப்பட்டுள்ளது.
ஈழ இராச்சியத்தை உருவாக்கிக் கொள்ளும் நோக்கில் புலி ஆதரவு புலம்பெயர் தமிழர்கள் ஐரோப்பிய அரசியல்வாதிகள் மீது அழுத்தங்களை பிரயோகித்து வருகின்றனர் என தெரிவிக்கப்பட்டுள்ளது.
எதிர்வரும் ஜனவரி மாதம் இலங்கையில் ஜனாதிபதி தேர்தல் நடைபெறவுள்ள காரணத்தினால் அதற்கு முன்னதாகவே ஐரோப்பிய நாடாளுமன்றின் நிகழ்ச்சி நிரலில் ஈழ இராச்சியம் குறித்த யோசனையை உள்ளடக்குமாறு புலம்பெயர் புலி அதரவு தரப்பினர் கோரியுள்ளனர்.
இதேவேளை, தமிழீழ விடுதலைப் புலிகள் பயங்கரவாத நடவடிக்கைகளை உறுதி செய்யும் இன்டர்போல் மற்றும் யூரோபோல் பொலிஸாரின் அறிக்கைகளை புலிகளுக்கு எதிரான தடை நீக்கம் குறித்த வழக்கு விசாரணைகளின் போது ஐரோப்பிய சட்டத்தரணிகள் சமர்ப்பிக்கத் தவறியுள்ளதாக சிங்கள பத்திரிகை சுட்டிக்காட்டியுள்ளது.
இந்தியா சதி செய்யுமே !
அய்யா நாகேஸ்வரன் அவர்களே! நீங்கள் வெளிப்படையாக பேசிவிட்டீர்கள். தமிழர்களுக்கு தனி நாடு உருவாவதை இந்தியா கொள்கையளவில் ஏற்றுக் கொள்ள மாட்டார்கள். ரஷ்ய நாட்டு ஆதரவுடன் வங்க தேசத்தை உருவாக்கியவர்கள் ஏன் தமிழீழத்தை எதிர்க்க வேண்டும்? இவர்களின் வெளியுறவுக் கொள்கையே முரண்பாடாகயுள்ளது. அதுவும் பெரிய முரண்பாடாக இருக்கின்றது. தமிழர்களுக்கு தனி நாடு அவசியம் தேவையாகின்றது. காலம் நமக்குத் தந்த அறிய வாய்ப்பு. இந்த வாய்ப்பை தமிழர்கள் குறிப்பாக தமிழக மக்கள் அவசியம் பயன் படுத்திக் கொள்ள வேண்டும்- அதுவும் இந்திய அரசின் ஆசியோடு நாடு உருவாக்கப்பட்டால் மிக்க மகிழ்ச்சி. தமிழர்களுக்கு தனி நாடு அமைந்தால் தமிழ்மொழி உலக அரங்கில் மலர்ச்சிப் பெரும்; வளரும், உரிய அங்கீகாரமும் கிடைக்கும். இந்த உண்மையை உலகிலுள்ள அனைத்துத் தமிழர்களும் குறிப்பாக தமிழக மக்கள் உணரவேண்டும்.
இந்தியா தனித் தமிழ் ஈழம் உருவாக எந்நாளும் உதவாது. இந்திய அராசாங்கம் என்றால் அது வட நாட்டவர் அரசாங்கம் என்றே பொருள். சிங்கும், சங்கும், ஷர்மாவும் கூட்டு சேர்ந்த ஆட்சி. தனித் தமிழ் ஈழம் உருவாகினால், தமிழ் நாடு இந்தியாவை விட்டுப் போகும் என்பதில் அவர்களுக்கு உள்ளூர பயமே. அதனால் இந்தியா தமிழர்களுக்கு உதவாது, உதவாது, உதவாது.
இந்தியா தமிழர்களுக்கு என்றுமே எதிரி. இவங்களை நம்பினால் நமக்கு தான் கேடு. காங்கிரஸ் ஒரு உருப்படாத கட்சி –இப்போது பா ஜா க -வையும் நம்புவதற்கு இல்லை. தமிழ் நாட்டு துரோகிகள் ஈழத்திற்காக ஒன்றும் செய்ய வில்லை. ISIS ற்காக பல நாடுகளில் இருந்து தீவிர வாதிகள் சண்டைக்கு சென்றார்கள். தமிழ் நாட்டில் இருந்து எத்தனை பேர் சென்றனர்>? அப்போது உறுதியுடன் செயல் பட்டிருந்தால் ஈழம் கண்டிருக்க முடியும். வங்காள தேசத்திற்காக போர் செய்த இந்தியா ஈழத்திற்காக போர் செய்யுமா?