ஹுடுட்  சட்டத்தில்  திருத்தம்  கொண்டுவர  கிளந்தான்  அரசு  பரிந்துரைத்திருப்பது பக்கத்தான்  ரக்யாட்டில்  செய்துகொள்ளப்பட்ட  உடன்பாடுகளுக்கு  எதிரானது  அல்ல  என்று  பாஸ்  தலைமைச்  செயலாளர்  முஸ்தபா  அலி  கூறினார்.

“கொள்கை  அளவில், இவ்விவகாரம் (ஹுடுட்மீது கருத்துவேறுபாடு  நிலவும் என்பது) ஒப்புக்கொள்ளப்பட்டதுதான்”, என்றாரவர்.

“சிறப்புச்  சட்டமன்றக்  கூட்டம்  பற்றி  கிளந்தான்  டிசம்பர்  28-இல்  எங்களுக்கு  விளக்கம்  அளிக்கும்”,  என  முஸ்தபா  தெரிவித்தார்.

1993  ஷியாரியா  குற்றவியல்  சட்டத்துக்குத்  திருத்தம்  கொண்டுவருவது  மாநில  அரசின்  அதிகாரத்துக்கு  உட்பட்டது  என்பதை  பக்கத்தான்  புரிந்து  கொள்ள  வேண்டும்.

“ஏற்கனவே  இருக்கும் (ஷியாரியா  குற்றவியல்  சட்டம் (II) 1993) ஒன்றுக்குத்தான்  திருத்தங்கள்  கொண்டுவரப்படுகின்றன”, என்றாரவர்.