மலேசிய  சூதாட்டக் கும்பல்  தலைவர்  என்று  கூறப்படும்  பால்  புவா-வுக்கு  ஆதரவாக  உள்துறை  அமைச்சர் ஜாஹிட் ஹமிடி அமெரிக்கப்  புலனாய்வுத்  துறை(எப்பிஐ)க்கு  கடிதம்  எழுதி  அது  சர்ச்சைக்குரிய  விவகாரமாக  மாறியிருப்பது  பற்றிக் கருத்துரைப்பதைத்  தற்காப்பு  அமைச்சர்  ஹிஷாமுடின்  உசேன்  தவிர்த்தார்.

“அதை ஜாஹிட்டிடம்தான்  நீங்கள்  கேட்க  வேண்டும்”, என்றார்.

ஜாஹிட் , கடிதத்தை  வெளியுறவு  அமைச்சுவழி  அனுப்பாமல்  அரசதந்திர  நடைமுறைகளை மீறியிருப்பதாக  பிகேஆர்  குற்றஞ்சாட்டியிருப்பது  பற்றி  அவரிடம்  வினவப்பட்டது.

“இது  ஒரு  பெரிய  விசயமல்ல. பிகேஆரின்  வேலையே  குறை  சொல்வதுதானே,  எதிரணி  இல்லையா”, என்றாரவர்.