புத்ரி  அம்னோவும் அம்னோ  தலைவர்  நஜிப்  அப்துல்  ரசாக்குக்கு  தனது  ஆதரவைத்  தெரிவித்துக்  கொண்டுள்ளது. இன்று காலை  கட்சித்  தலைவர் அளித்த விளக்கக்கத்தை  அடுத்து அது இந்த  ஆதரவைத்  தெரிவித்தது.

ஆனாலும்,  டாக்டர்  மகாதிர்  முகம்மட்டை  இன்னும்  மதிப்பதாகக் கூறிய  புத்ரி  அம்னோ  தலைவர்  மாஸ்  எர்மியாதி  சம்சுடின்,  அவருடன் கொண்டுள்ள ஊடலுக்கு  நஜிப்   விரைவில்  தீர்வு  காண  வேண்டும்  என்று  கேட்டுக்கொண்டார்.

“அது  அவரது (நஜிப்பின்) விருப்பத்தைப்  பொருத்தது  என்பதை  அறிவோம். ஆனாலும், அதற்கு  அமைதியாகவும்  இணக்கமாகவும்  விரைவாகவும்  ஒரு  குடும்பச்  சூழலிலும்  தீர்வுகாண  வேண்டும்  எனக்  கேட்டுக்கொள்கிறோம். மகாதிர்  தலைவராக  இருந்தபோது  உருவானது  புத்ரி.

“அதனால்தான்  இரண்டு  தலைவர்களையும்  எங்களுக்குப்  பிடித்துள்ளது”, என்றவர்  செய்தியாளர்  கூட்டத்தில்  கூறினார்.

மலேசியாகினியும்  மலேசியன்  இன்சைடரும்  அச்செய்தியாளர்  கூட்டத்தில்  கலந்துகொள்ள  அனுமதி  மறுக்கப்பட்டது.