டிஏபி  தலைமைச்  செயலாளர்  நிழல்  அமைச்சரவை  பற்றிக்  கருத்துரைக்குமுன்னர்  அக்கட்சியின்  ஏற்பாட்டுக் குழுச்  செயலாளர்  அந்தோனி  லோக்கிடம் ஆலோசனை  கேட்க வேண்டும்  என்று  பாஸ்  தகவல்  தலைவர்  மாபூஸ் ஒமார்  கூறினார்.

பக்கத்தான்  ரக்யாட்  பரஸ்பர  மரியாதையின்  அடிப்படையில்  உருவானது  என்று  குறிப்பிட்ட  மாபூஸ்,  பக்கத்தானில்  நிழல்  அமைச்சரவை  அமைப்பதற்கு  பாஸ்  தலைவர்  அப்துல்  ஹாடி   ஆவாங் தடையாக  இருக்கிறார்  என்று  லிம்  கூறுவது  ஆதாரமற்றது  என்றார்.

“இன்று டிஏபி, பிகேஆர், பாஸ்  கொறாடாக்கள்  எதிரணித்  தலைவர்  டாக்டர்  வான்  அசிசா  வான்  இஸ்மாயிலைச்  சந்தித்தார்கள். அச்சந்திப்பின்போது  நாடாளுமன்றத்தைச்  சீரமைப்பதில்   நிழல்  அமைச்சரவை  முக்கிய  கூறல்ல  என்பது ஒப்புக்கொள்ளப்பட்டது.

“எனவே, பக்கத்தான்  பங்காளிக் கட்சி  ஒன்றைத்  தாக்கிப்  பேசுவதற்கு முன்னர்  லிம்,  நிழல்  அமைச்சரவை  பற்றி  லொக்கிடம்  விவரம்  கேட்டறிவது  விவேகமாகும்”, என அந்த  பொக்கோக் சேனா  எம்பி  கூறினார்.

நேற்று, லிம் நிழல்  அமைச்சரவை  அமைப்பதற்கு  ஹாடி  தடையாக  இருப்பதாகக்  கூறியிருந்தார்.