உலக நாடுகளுக்கு அச்சுறுத்தலாக இருந்து வரும் ஐ.எஸ் தீவிரவாதிகள், சக தீவிரவாதிகளை தாக்குவது போன்ற வீடியோ காட்சிகள் வெளியாகி உள்ளன.

ஐ.எஸ் தீவிரவாதி ஒருவர், புகைப்பிடித்ததற்காக சக தீவிரவாதிகளை தாக்குகிறார்.

ஐ.எஸ் தீவிரவாத இயக்கத்தில் நடந்த இந்த சம்பவத்தை அவர்களே பதிவு செய்து வெளியிட்டுள்ளனர்.

அந்த வீடியோவில், ஒரு சுவருக்கு முன்பு சிலர் வரிசையாக உட்கார்ந்திருக்கின்றனர். அவர்கள் அனைவரும் புகைப்பிடித்தவர்கள். முகமூடி அணிந்த ஒருவர் அனைவரையும் காலால் காட்டுமிராண்டித்தனமாக எட்டி உதைக்கிறார்.

ஒருகட்டத்தில் திடீரென தனது கையில் இருந்த துப்பாக்கியால் குத்துகிறார். மேலும் ஒருவரது தலையில் துப்பாக்கியின் அடிப்பாகத்தில் உள்ள கட் டையால் அடிப்பது போன்ற காட்சிகள் அதில் இடம்பெற்றுள்ளன.

புகைப்பிடிப்பது இஸ்லாத்துக்கு எதிரானது என்று ஐ.எஸ் இயக்கம் கருதுகிறது. இதனால், தங்களது இயக்கத்தில் உள்ள யாரும் புகைப்பிடிக்கக் கூடாது என்பது அந்த அமைப்பின் விதி முறைகளில் ஒன்றாக உள்ளது.

இந்நிலையில், விதியை மீறி புகைப்பிடித்தவர்களுக்கு இது போன்ற கடுமையான தண்டனை வழங்கப்படுகிறது.

-http://world.lankasri.com