டாக்டர் மகாதிர்  முகமட்டைவிட  சரவாக்கின்  வளர்ச்சிக்கு  அதிகம்  செய்துள்ளவர்  என மாநில  முதலமைச்சர்  அடினான்  சதேமால்  புகழப்பட்டவரான  பிரதமர்  நஜிப்  அப்துல் ரசாக்கை  வரவேற்க  இன்று  காலை  கூச்சிங்  ஸ்டேடியம்  பெர்பாடுவானில்  ஆயிரக்கணக்கான  ஆதரவாளர்கள்  திரண்டிருந்தனர்.

“12 ஆயிரத்துக்கும்  அதிகமானோர்” கூடியிருந்ததாக  பெர்னாமா  கூறியது.

நஜிப்பும்  அவரின்  துணைவியார்  ரோஸ்மா  மன்சூரும்  சாதேம்  அடினானுடன்  காலை  மணி  10.30க்கு  அரங்கத்துக்குள்  நுழைந்ததும்  “நஜிப் வாழ்க” முழக்கம்  வானைப்  பிளந்தது.

பிரதமரின் வருகையையொட்டி  பெர்பாடுவான்  அரங்கமும்  அதன்  சுற்றுப்பகுதியும்  விழாக்  கோலம்  பூண்டிருந்தன. காலை எட்டு  மணியிலிருந்தே  பல்வேறு  நிகழ்வுகள்  நடைபெற்றன.

அரங்கிலும்  அதனைச்  சுற்றியுள்ள  முக்கிய  சாலைகளிலும்  ஆயிரக்கணக்கான ‘தராசு’(பிஎன்) கொடிகள்  தொங்கவிடப்பட்டு  பெரியதொரு  “பிஎன்  விழா”  நடப்பதற்கான  சூழலை உருவாக்கியிருந்தன.